اقتباس:
المشاركة الأصلية كتبت بواسطة خاله بيتا
طب تعالي نناقش خوفك من قرار الطلاق بشكل جاد
حطي لنا النقاط السلبية واللي تمنعك تطلبيه
النقاط الايجابية بوضعك او بزوجك واللي تمنعك تطلبيه
ثم اذكري بنقاط ايجابيات الطلاق
واذا تحبي ارسمي لنا 2 سيناريو
واحد لحياتك معاه بمعطياتها الحالية لان ما في بوادر انها تتغير
وثاني لحياتك بعد الطلاق وممكن تشيلي فرضية زواج جديد لانها لو حدثت ما راح تكون قريب ولان خياراتها كبيرة واذا تحبي خليها سيناريو لحال لتوسعها وتعدد احتمالاتها
|
أهم النقاط السلبية
بنتي وولدي
اثنين برقبتي وكلهم أطفال صغار
اهلي بالموت تحملوهم وانا نفاس
وكانوا منزعجين جدا من صراخهم وازعاجهم فترة الأربعين
وابوي دايما يقول انه كبر على ازعاج الأطفال
وبنفس الوقت اكذب على نفسي لو قلت اتحمل بعدهم
فكرت أقول له خذهم وهو راح ياخذهم
بس انا ممكن اموت بدونهم.. هم نور حياتي
الشيء الوحيد اللي اشوفه حلو بدنيتي.. بنتي وولدي بس
النقاط الإيجابية لزوجي
زمان كنت امدح كرمه ومحاولته اسعادي بامور مادية
لكن من بعد ولادتي (له شهر تحديدا) وهو باخل علي بكل شي
حتى المشاوير البسيطة بطلوع الروح يأديها
يتحجج بازعاج الأطفال.. مو مستوعب انهم صاروا اثنين!!
لكن عشان ما ابخسه حقي.. هو متعلق جدا بالأطفال
اب جيد جدا جدا.. حنون ولطيف معهم جدا جدا
فقط لا غير
سنايرويهات حياتي
لو استمريت معه على نفس الحال (وهذا المتوقع بنسبه 95%)
اعتقد بعد سنتين ثلاث هو بيفكر يتزوج
لان زوجي ماعنده ضعف.. وعيونه زايغه عالنساء.. مشكلته معي انا بس
وفي حال صار هالشي بيكون الطلاق امر مفروغ منه
يعني بكون مطلقة بنسبة ترليون بالميه
لو انفصلت عنه
أبدور وظيفة اشغل نفسي فيها
وراح اعزل نفسي عن الناس حتى ما اشعر للحظة بقهر وندم
بتعب أول سنة بعدين تمشي الحياة
لكن ما اعتقد اني راح اتزوج لعدة أسباب
بما فيها ان متطلبات اهلي بالعرسان صعبة شوي
اللي انا اتمناه
اني أعيش حياة طبيعية مع زوجي الحالي
واربي بنتي وولدي مع ابوهم بدون عقد ومشاكل
وهذا احس حلم مستحيل يتحقق