اقتباس:
المشاركة الأصلية كتبت بواسطة VANITY
ياحبيبتي لاتتنازلين عن شي من اختيارك
روحي للي تبين بس يعني مثلا لا تختارين اوقات ذروة وزحمة
روحي عصرية او صبح.. ومو شرط يكون زوجك معك اصلا
الغربيين مايحترمون المراة المتنازلة على فكرة واكيد انتي عارفة هالشي
بعدين الاسواق اللي ذكرتيها مو شعبية شدعوة.. وزحمتها ماتقل عن الباقي
موضوع الوظيفة ارجعي افتحيه اذا كمل ولدك 8 شهور.. على ماتقدمين وتجيك فرصة وتقنعين فيه يكون كمل ولدك سنة
تقدرين تكونين قوية بدون جدال وندية وباحترام
لاتصيرين متطرفة ند للند او خاضعة
ابتداء من طلباتك.. يمكن سابقا ماكان يرفض لك لانه عارف كنتي تقدرين تستغنين وتقومين بنفسك وكان للاسف جزء من مصدر احترامه لك
لكن الحين لانك معتمدة عليه ومالك الا هو بعد الله صار يستخدم هالشي.. اشتغلي على هالموضوع
|
قمت بنفسي وكان ينفعل من عدم احتياجي له
اعتمدت عليه وصار يهيني ويذلني بحاجتي ويتمنن علي
احس هو نفسه مو عارف ايش يبغى بالضبط
مو كافي حارمني من حقوقي ومالمسني من ولدت
اكثر من 3 شهور ماصارت بينا علاقه ليه! ماني فاهمه
والله لو انه معطيني حقوقي الشرعية
قسما بالله كان ارتاح وريحني من هالدوشه
لكنه ظالمني وبنفس الوقت يقفلها بوجهي
كل شي لا لا لا.. كرهني فيه وبالبيت
وحتى لهفتي عليه بعد النفاس ماتت مره وحدة
كل المشاريع والخطط الوردية اللي رسمتها هو موتها
وقابل ليني معه بغرور وتكبر وشوفة نفس
وانا ما ابي الا الكلمة الطيبة
وانه يحسسني اني مرغوبة كأنثى.. بس والله
هذا اقصى طموحي
لكن هذا الانسان ما صار يلزمني بأي شي
اللهم متضايقة على خسارة بيتي واستقرار بنتي وولدي
افكر بالطلاق وخايفة منه
لي على هالحال سنه تقريبا
والحين زايدة هالموضوع براسي بقوة
من خيبات الامل والإحباط اللي شفته معه
فوق كذا له عين يتسلط ويتحكم ويتأمر