اقتباس:
المشاركة الأصلية كتبت بواسطة تحملتك كفاية
انا اسف اذا كان كلامي قاسي
يابنت الحلال والله طليقتي في لحظة جميلة بيننا
قالت لي انا عصبية بس قلبي طيب
جاوبتها قلبك الطيب ماراح يشفع لك عندي وانتي عصبيتك تخليني اكرهك كل يوم أكثر من اللي قبله الرجال ماينسى هالامور يحطها تحت ضرسه
مع انها ندمانه بس مااقدر ارجعها عفتها
لاتوصلون إلى هالمرحلة ومافيه حد معين للرجل لتقبل عصبية الزوج
بس مهما كان ماتوصل إلى إهانة الشخص بتشبيه بأمور دونية مثل الأحذية وغيره هذا عيب
افرضي اتصل على ابوك وقاله تعال خذ بنتك ماابغاها
ليه لأنها بمعاقبة الولد وقلت كذا وقالت انت زي ال ......
والله يذبحك ابوك ثم مهما قلتي سوا فيني بيقول تستاهلين
اكيد قلتي له حاجة غلط
لاعصبية بتنفعك وتبرر موقفك ولاغيره
بقولك قصة ممكن تنفعك عندي صديق يقول زوجته تتحمس مع المشكلة وتعصب ويرتفع صوتها لاشعوريا وهو يتضايق جدا
كيف حل الموضوع لما تجي تناقشة بنص النهار يقولها مايصلح الاولاد يسمعون صوتنا خليها بالليل إذا رحنا للغرفة
يجي الليل متحمسه تبي تتهاوش يقصر النور ويجلس يتكلم همس ويقولها تكلمي بهمس لايصحى الولد ويخرب نقاشا
مرة بعد مرة بعد مرة صارت زوجته حتى بالاوقات العادية تهمس وتتكلم بصوت هادي تعودت من كثر مايتكلمون بهدوء أصبح عادة
جربي نفس الشي ناقشيه قبل النوم لا انتي لك خلق مشاكل ولا هو له مزاج يرد بعاد الكل يبغى يرتاح
امي إلى الآن تمسج ابوي وقت المشاكل وتناقشة وهي تمسجه علشان لأن والدي عصبي
يعصب علينا بس معاها لا يرد بهدوء واحنا الجيران يعرفون وش صار معنا
لايجيب منك غلط علشان ماحد يلومك
|
مشكور وجزاك الله خير ردّك كان مهم جدا جدا
الحمدلله شفت موضوعي وعلقت لاني استفدت كثير من ردّك وجلست اقراءه اكثر من ثلاث مرات
انت نفس زوجي سبحان الله دايما يقولي عصبيتك تنفرني منك وكل ما زدتي زاد نفوري منك اكثر كان يترجاني أصير هاديه يقول اذا طلعتي من قلبي ماعد بترجعين حبك كل ماله ينقص وانا كنت مكذبته في داخلي واقول اكيد بس عشان يبغاني اتغير الا مستحيل يكرهني عشان اعصب هدا هو يعصب وانا احبه
وان شاء الله راح اتغير واتبع نصيحتك الطلاق نبهني لشغلات كثيره وهو كمان ندم ندم شديد