اقتباس:
المشاركة الأصلية كتبت بواسطة فلانة من الناس
زوجي قالي بيروح بكرا للشيخ يسأل
جاء من برا وسوا كبسه بنفسه وقالي اتعشى معاه وانا رفضت مدري وش قصده يعني اعتذار وندم او شفقان
تحملتك كفايه
كلام كان قاسي جدا والله تمنيت انه مد يده ولا طلق وإلكلمه والله مدري كيف طلعت مني وهذا اللي مخليني متردده اعلم أبوي لو عرف اني قلت لزوجي هذا الكلام بطيح من عينه وبيعصب عليه
وبما ان طليقتك زيي وانت نفس زوجي وش حدود العصبيه اللي تتقبلها وما تتضايق منها؟
انا اشوف كل الناس تعصب وعادي الزوجين يتقبلون بعض الا اذا الزوج ما يحب زوجته ويجلس يتصيد أخطاءها
واذا ع التعدد ادري شرع الله لكن صعب عليه اتقبل ان وحده تشاركني
والخيانه مو عذر للي مايقدر يعدد حتى نحنا نتمنى شغلات وننحرم ولا فكرنا بالخيانه
|
انا اسف اذا كان كلامي قاسي
يابنت الحلال والله طليقتي في لحظة جميلة بيننا
قالت لي انا عصبية بس قلبي طيب
جاوبتها قلبك الطيب ماراح يشفع لك عندي وانتي عصبيتك تخليني اكرهك كل يوم أكثر من اللي قبله الرجال ماينسى هالامور يحطها تحت ضرسه
مع انها ندمانه بس مااقدر ارجعها عفتها
لاتوصلون إلى هالمرحلة ومافيه حد معين للرجل لتقبل عصبية الزوجة
بس مهما كان ماتوصل إلى إهانة الشخص بتشبيه بأمور دونية مثل الأحذية وغيره هذا عيب
افرضي اتصل على ابوك وقاله تعال خذ بنتك ماابغاها
ليه لأنها بمعاقبة الولد وقلت كذا وقالت انت زي ال ......
والله يذبحك ابوك ثم مهما قلتي سوا فيني بيقول تستاهلين
اكيد قلتي له حاجة غلط
لاعصبية بتنفعك وتبرر موقفك ولاغيره
بقولك قصة ممكن تنفعك عندي صديق يقول زوجته تتحمس مع المشكلة وتعصب ويرتفع صوتها لاشعوريا وهو يتضايق جدا
كيف حل الموضوع لما تجي تناقشة بنص النهار يقولها مايصلح الاولاد يسمعون صوتنا خليها بالليل إذا رحنا للغرفة
يجي الليل متحمسه تبي تتهاوش يقصر النور ويجلس يتكلم همس ويقولها تكلمي بهمس لايصحى الولد ويخرب نقاشا
مرة بعد مرة بعد مرة صارت زوجته حتى بالاوقات العادية تهمس وتتكلم بصوت هادي تعودت من كثر مايتكلمون بهدوء أصبح عادة
جربي نفس الشي ناقشيه قبل النوم لا انتي لك خلق مشاكل ولا هو له مزاج يرد بعاد الكل يبغى يرتاح
امي إلى الآن تمسج ابوي وقت المشاكل وتناقشة وهي تمسجه علشان لأن والدي عصبي
يعصب علينا بس معاها لا يرد بهدوء واحنا الجيران يعرفون وش صار معنا
لايجيب منك غلط علشان ماحد يلومك