ممكن يكون تعبيري مثل ما حكيتي
هو يمدح لا انكر
يثني علي و يشكرني ان ارسلت له كلام جميل
او استقبلته استقبال لطيف
الاشياء البسيطه تفرحه .. لو اجهز شموع في جلستنا
او احط عطر زواجنا
اذا شافني اقرا بالتصميم و( هي هوايته مو هوايتي ) يفرح
يجيب لي كتب عشان اتعلم منها و انا ما غفلت عن هالشيء لأني ابي يكون بيننا شي مشترك
لو رتبت ملابسه و بخرتها يشكرني و يظهر فرحه
لو اجهز له اي شي يثمر في عينه رغم انه لا يكلفني شي فقط اني اظهر اهتمامي فيه
لو يسافر او يطلع البر اجهز ملابسه و ابخرها
وهو هناك يرسل و يتشكر



لكن اذا حب يكون جاف و دفش يتفنن بهالشيء و ينقلب حاله 180 درجة



قلت عنه رجعي و متسلط
لانه يرفض الصديقات و اجتماعهن حتى و ان كان من فترة لفترة
صديقاتي يجتمعون كل شهرين مره
و من كنت باول الشهور وهو يرفض
و قال لها كم مره انا اكره صديقاتك 😳
وهو شايف كيف هم يحبوني و احبهم و هدايا رايحة و هدايا راجعه
مع ذلك مو عاجبينه

يرفض الوظيفة رغم انها كانت تنظم وقتي و تشغلني عنه شوي و كانت المشاكل اخف بكثييير.
فكنت مخليته ع راحته ،

يرفض اكمال الدكتوراه

يرفض اني اتحاور في اي منتدى
مثل هالمنتدى شافني مره ارد ع احد المواضيع
صععععق و سواا لي سالفة حتى توقعت انه بيطلقني
من كثر ما هو تنرفز
و انا اذكر تماما ان الموضوع مان مشكلة بسيطه لاحد الاعضاء
فقال لي ليه تردين ع رجل !
و لما هدا شوي بعدما قلب مشاركاتي و شاف كيف ردودي مع الجميع حب ع راسي و قال معليش انا ما ابيك تردين ع احد من الرجال. و اسف

يرفض اني التحق بنادي رياضي خاصة بعد الولادة
بالرغم انب قبل الزواج كنت اتردد عليه كثير
و اداء التمارين في البيت نرهق خاصة ان الاجهزة مو متوفره في بيتي


يرفض نهائي اتابع اي رجل في اي برنامج اجتماعي دكتور استاذ فنان اللي هو
لكن هو عادي لانه رجل

يرفض جلسات الليزر لجسمي
رغم انه ما فيها اي تعري و انا قبل الزواج مرتبطه بالجلسات و لو تركتها اكون تخسرت ع الفاضي

بإختصار
لكا اقنعه بأي شي معاصر او جديد كأني اقنع امي او والدي الله يرحمه
و لا يقتنع

لا يروح فكرك بعيد هند
انا الحمد لله من بيت محافظ و اعرف الحلال و الحرام
لكن المباحات عنده صعبه
مو تدين فيه لا
لكن من باب العاادات و ان المرأة عيب تكون متطوره



اما بخصوص انه مضغوط من ناحية المال و الصرف
هو من بداية زواجنا و فهمني
ان وضعي كذا و كذا
و لا اقدر البي لك كل طلباتك
مثل ما حكيتي
قال لي خلي مستواك مثل مستواي
اللي اعطيك اشتري فيه
اذا قلت لك ما اقدر خلاص اصرفي النظر

فكنت اشتري من مالي بدون علمه و احضرها للبيت ع اساس انها هدايا من اهلي عشان ما اجرحه او ابين له اني مستغنيه عنه

احاول قد ما اقدر اسد و اقارب لكن هذا اللي طلع معي

__________________
ي رب رضاك و الجنة