مافي شي يضيع في النفس وان نسيتيه يجي يوم ويستحضر ..
بس هذا ما يمنع ان الحياة بتمشي وما توقف عند موقف او شعور او حتى شخص !
لا ترهقين نفسك بالتفكير ، ان كنت مقررة مسبقاً انك تبقين معه بغض النظر عن اللي صار ابقي
هذي رغبتك ولا أحد بيسعد او يشقى غيرك فعيشيها مثل ماتبين انت ، بس مايمنع انك تحاولين تصلحين الحال.
وتسعين بالتغيير في شخصيتك انت وسلوكيات زوجك ومافي شي مستحيل
الخيانة ما في أمر من طعمها بس اذا عندك استعداد تعطين فرصة ليه لا بس تضمنين جديته وعزوفه عنها
التجارب وان تشابهت الا ان لكل وضع حل يناسبه ، وقليل من الزوجات لا خان زوجها تطلقت ممكن تزعل
وتسوي النون بس في قرارة نفسها ترفض فكرة الطلاق ولا تقرب منها.

لا شك انها تلقنّت تلقين ردها الاخير عليك لانك اعطيتيه الوقت في انه يتخذ اجراء
بس لو بمكانك وبما انك ما تبين الطلاق احرقهم الاثنين واخلي موضوع المسجات والتسجيل ياكل ويشرب معهم ! لفترة من الزمن
يفكرون الف مره وش اللي يدور براس منفردة و جا دورك تدخلينه البحر وتطلعينه عطشان
انصحك انك ترفعين المسجات والتسجيل على ايميل او تنزيلنه في جهاز غير جوالك للحاجة ماتدرين
في الفترة هذي واذا عندك القدرة في ضبط اعصابك وتمثيلك البرود تأخرين المواجهة وان حاول ضيعّي
الموضوع واشغليه باي شي ولاتعطينه فرصه
على الأغلب بعد هالموقف يحاول ويعجّل بتحسين العلاقة علشان يضمن سكوتك خصوصا
انه يهتم لموضوع سمعته وصورته قدام الناس. الله يهديه ويصرفه عن هالبلاوي.

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.