الله يجزيكم خير ويسعدكم أجمعين
حبيت ابشركم الحمد لله مشكلتي قربت تنحل بفضل الله ثم دعائكم
اللهم لك الحمد كما ينبغي لجلال وجهك وعظيم سلطانك
من يومين كلمت بنت اخوه على الواتس هي سكرتيره من زمان هون في أبوظبي
حكيتلها يا فلانه اسمعيني انا عمك طلقني الحمد لله خلصت من قرفه
وناويه أن شاء الله اروح الجوازات أسلم حالي لأن صارلنا 3سنين بدون تجديد اقامه
ومخالفين
والاولاد بسلمهم لعمهم او عمتهم
حكتلي من الحين بحكيلك ما حدا راح يستلم أولادك
انا كان هدفي توصل الكلام لعمتهم للأولاد لأن هي مقاطعتنا من أربع سنين لأن اخوها المخفي كان يودي زوجها على الفساد انتو فاهمين قصدي أيام ما كان يشتغل معاه
استخرت وتوكلت على الله يوم الخميس رتبت ونظفت البيت كل شي كان تمام جهزت أوراقي طلبت التكسي حكيت وانا رايحة الجوازات بتصل على عمهم بحكيله انا بدك تسامحني تحملت اخوك بما فيه الكفايه حاولت أحافظ على البيت لكنه كان حريص انه يهدمه بسبب غبائه وأولاد اخوك في البيت روح خذهم انا أهلي رافضين الأولاد
والدوحه صعب اخذهم معي
وانا مش موظفه ما عندي قدره ادرس 3
صليت استخارة لآخر مره ودعيت يارب اكتبلي واختارلي الخير
لملمت كل شهاداتي واوراقي وعقد الزواج علشان بس أنزل الضفه أطلق غيابي واحصل على صك المحكمة
قبل لا اطلع من البيت بيجيني اتصال من رقم غريب
حكيت السلام عليكم
هلا مرحبا
كانت اخته للمخفي
بتحكيلي مرحبا كيف حالك
حكيتلها الحمد لله
حكتلي اتصلت علي بنت اخوي اللي انا كلمتها
حكتلي لا تتصرفي أي تصرف ولا تروحي الجوازات
راح اعطيك اقتراح اذا حابه وافقتي عليه واذا لا براحتك
بس يخلصوا الأولاد نص السنه امتحانات بعد شهر يعني
بتسحبي ملفاتهم وبتروحي انت وأولاد الجوازات بتسلمي حالك
وبس تنزلي فلسطين بتستاجري شقه بأي مدينه منك وتكون قريبه على اهلك وانا متكفله بكل شي من ألف إلى الياء
سكنكم ومصاريفكم ومدارسهم علي

__________________
انا لله وانا اليه راجعون