عزيزتي ماريا اول شي اتأكدي من تغيير طليقك ما بتعرفي بعد انفصال سنتين و7اشهر وشاف انو اللي سمع كلامهن خذلوه باعترافه
وممكن هالشي اعطاه درس
وحسب كلامك انو بيشتغل بقناة مختلطة وفيها تبرج يعني لو ما بدو ياكي الك بالذات كان اتزوج وحدة من الزميلات او اي امرأة وخاصة مقدم برامج ومعروف
فلو بتقدري ترجعي تتعرفي عليه بكم جلسة وتشوفي شو اللي اتغير فيه وشو اللي بتقدري تغضي النظر عنه وشو اللي لازم تحطي عليه شروطات

وبالنسبة لصديق اخوكي ما بنعرف اذا بالفعل زوجته بدها شخص غيره او لا
ونظرة اخوكي لصديقه بتختلف عن نظرة الزوجة لزوجها
فالله اعلم اذا شخصية صديق اخوكي رح تناسبك او لاء
ونقطة تانية ابنك وهيي الاهم بالموضوع انك متعلقة فيه وفي خوف من المستقبل عليه
وهالشي خلاكي محاصرة بين نارين
واي قرار راح تاخديه ما رح يكون سهل
كرمال هيك اذا كان قرارك الرجوع لطليقك لازم يكون الك ضمانات ومع انو المال مش كل شي وما بيعوض الاذى
بس اقل شي لتعرفي اذا هالشخص شاريكي واتغير وانو ما ممكن يفرط فيكي بسهولة
فاشترطي الشقة اول شي والمؤخر يكون محترم
اسأل الله ان يقدم لك كل الخير ويرزقك السعادة دنيا وآخرة
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه