اليوم كنت انظف بالبيت من الصباح
تنظيف عميق وانا صايمة
قلت استغل الوقت مافيه طبخ
فطور وغدا
وخاصة اني صاحية من بدري مرة 7 ونص الصباح

وكلمت زوجي يجيب اغراض الطبخ بدري
لكن تكاسل ودخل ينام ما جابها الا قبل المغرب
ب 3 ساعات

المهم لما خلصت طبخ
سويت 5 اصناف
الا انا احس الارض تلف فيني
فرحت انسدح شوية ابغى استرد شوية عافية

الا زوجي يقولي ما بقى الا7 دقايق عن
الاذان

قلت له والله مافيني طاااااقة
كل شيء جاهز بس حطه ع السفرة

قام قال اقول بس قومي
قلت برتاح دقيقتين ع الاقل
قام هوا راح للمطبخ
ويصرخ يلا اخلصي عليا ايش احط
قلتله الاكلات عندك
ع فكرة مطبخي امريكي صغييييير يعني
كله شبر فشبر يشوف الاكل
اضطريت اقوم
واقوله حرام عليك واقفة من ساعات
بدل ما تقول يديكي العافية ارتاحي
وانا احط تصرخ كذا بجد ما يثمر فيكم معروف
قام قال يعني سار هذا الشيء من واجباتي !

قلت اذا جات ع الواجبات
مو من واجباتي
اسويلك هذا كله انا مسويته حب لك
وما طلبتك الا رحمة وحنية
طبعا قلب الموضوع عليا
وكيف مو من واجباتك وامك لو دريت
ضربتك باللي فرجلها
قلت هذا الشرع وسكت عنه
وقمت حطيت الاكل ع الطاولة
و جلست شوي اتقاء لشره وقمت افرغ البكوة اللي بحلقي فالحمام

لما طلعت قال نبهتيني للشرع
حتى الشرع حلل اربع
قلتلو ....ومشيت اكمل ندب حظي


هذا غيظ من فيض من المواقف الجارحة