الاخ تجاوز نقطة كشف الوجه وسكت وقال اختلاف وما اختلاف
ممكن تتجاوزون هذي النقطه؟ حتى ما ترهقون الاخ باعادة كلامه

لكن برايكم ( الكحل والبالطو) الضيق ايضا فيها اختلاف عند العلماء؟
الكحل يجمل العين واليوم كحل وبكره ظل وماسكرا ورموش ووووو
والبالطو زي ما وصفه فعلا مخالف للبالطوات اللي معمول بها عندنا
واللي مو في السعوديه لا يحكم حسب المعمول به عندهم رجاء.

فيه موظفات كثير تستلم البالطو واسع وطويل وتوديه لخياط يقصره ويضيقه
وتجيك تتمخطر فيه وتقول والله هذا مستلمته من المستشفى!!
طيب استلمتيه بهذا الشكل ولا غيرتي فيه؟!

وبعضهم ما تاخذ من بالطوات المستشفى اصلا " لانها عارفه انها واسعه وطويله"
لا تروح تشتري بالطوا من برا على هواها!

اخوي انت صح وغيرتك في محلها والله يجزاك خير ويكثر من امثالك

انت تجاوزت لها نقطة كشف الوجه ولم تشدد عليها فيها
حتى يتهمك البعض بالتضييق عليها والتشدد وكبت الحريات!!


كلمها على انفراد وفي وقت مناسب لكما الاثنين
مع هدية منك بالطو واسع كما قالت احدى الاخوات وهدية اخرى
واشرح لها وجهة نظرك كامله والله يهديها ويسخرها لك

صراحه مناظرهم مزريه بالمستشفيات والوحده تتمخطر بالاسياب ببالطو ضيق على جسمها والكحل والعطر الفواح!!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )