ليتني لم افعل

صباحك ورد ورضا الرحمن

حبيبتي انا علقت بناء على ماذكرتيه وتقلباته المفاجئه نحوك وانتى المتضرر
شخص يقولك بلسانه اذهبي بيت اهلك لاتروحين بيديني (يعنى انفذي بجلدك )
هوا يعرف تمام المعرفه انه غير طبيعي

ولما ذكرت الكبتاجون انا نبهتك فقط

والله ياختى قالها لى الشايب
الآفه وانا ابوووك تجر آفه وراها فلا تستغربين ولاتنصدمين من شيء ابدا

غالبا الي يدخنون هم الاكثر عرضه انهم يحششون وشيء يجر شيء

انا لا انكر صفات زوجك الطيبه من حب لك ولبنته وصارفكم ولله الحمد ولكن هل تتوقعين الحب سينمو بهذه الظروف او يستمر فكري بواقعيه ...انا والله افكر ببنتك حبيبتي ومااتصور انها تكبر على منظر الضرب والشيء الغير طبيعي الي يمر به زوجك حتتأثر

لازم وقفه جاده منك ومن ابوك ،،، دامك تبغين تعطينه فرصه

وبعدين تقولين لي انه مرتب وكشخه ولبق والناس تحبه هذا شيء حلو بس وش مستفيده من ذا كله دامه يفقد عقله بين الحين والاخر

بالاخير انصحك بشيئين :

وقفه تامل مع نفسك ويكون عندك هدف لرجعتك له ،،،ولازم تحلين الموضوع مع ابوك السكوت مايحل شيء بس ماحد يدري الا انتى وابوك وحتى لو تفاهمتوا معاه تفهمينه ان هالموضوع محد درا فيه الا انتى وابوك ،،،،عشان مايحس انه انفضح بين الناس ويزيد الطين بله

ثاني شيء ،،، عليك بالدعاء اخر الليل ان الله يبعده عن هالبلاء وعن رفقاء السوء (لانه من وين يجيبه بالله ومن معرفه فيه اصلا الا رفيق سوء )

دعواتي لك الله يفك كربك ويشرح صدرك ويحفظ لكم بنتكم

__________________
ان لم تستطع التفاؤل ،،
فلا تخبر أحدآ أنك متشائم .