اختي مهره انا بكلامي ان الضرب اساساً مو موجود في الموضوع
شد الشعر مايعتبر ضرب هذا اولاً
وبصراحه الاخت منفرده الله يهديها مستفزه بالحيل وواحد غيره كل كلمه يقولها تدر عليه بعشر كان ضربها من جد
يااختي هي واضح انها تتلكك وتكبر الامور بطريقه غريبه
يعني لما شبك جواله في الشاحن تجي تفصله وترميه !! وتقول جلست ابكي من القهر تبكي عشان شاحن جواله!!
ولما صحى بنته قالت له خذ بنتك واطلع برى بالله فيه زوجه تقول لزوجها كذا ومع هذا ابن الحلال قصر الشر واخذ بنته وطلع ولحقتهم تبي الشر يعني غريبه بصراحه
والغريب انها فاهمه غلط
يعني تقول انه يتدخل برضاعة بنته ومستغربه هي من هالشي وكأن البنت ماهي بنته ومن حقه يدور على اللي فيه مصلحت البنت وصحتها وحتى لما جاب لها حبوب للرضاعه رمتهم وتوهمه انها تاكلهم
بصراحه تصرفاتها غلط بغلط
وهي بصراحه جاوبت على نفسها لما قالت انها تعودت انها مايقال لها لا وهذي هي مشكلتها وهذا اللي يخليها تشوف اي كلمه من زوجها كبيره بحقها
واما كلامها انه مايحق له مد يده عليها مهما صار هذا صحيح ولكن مايعني انها تجلس تستفزه فـ لكل انسان طاقة تحمل وبعدها اعصابه تفلت منه ولايقدر يمسك نفسه
واللي مستهين باللسان جرائم قتل كثيره صارت والسبب كلمه انقالت