نعم بعد عمر السنه تستطيعين تتحكمين باوقات نومها بحيث ماتنام العصر والمغرب فبعد العشا بتنام ومابتصحى الا الصباح فرايح يكون عندك وقت طويل لك ولزوجك او تتركينها مع امك راح تكون كبيره ومو متعبه مثل الان كل اشوي رضعه. كل الازواج مثل زوجك يعتقدون بضغطك زر الطفل بينام وبتتفرغين له انا زوجي فعل اللي اشد من زوجك راح يشتكي عند امي اني مقصره من هالناحيه. ولما علما امي بظروفي قالت كل الزوجات كذا هذا طفل كيف بتتحكمين فيه واهو وانتي لازم تصبرون في هالعمر الطفل ياخذ كل وقت امه وطاقتها واذا كبر تتفرغون لاعماركم وفعلا كلامها ريحني بهد ماكنت مضغوطه ومو عارفه كيف اقوم بواجبي اتجاه طفلي وكيف اهتم بزوجي وصرت اكثر روقان افضل من اني اضغط على نفسي علشان ارضي زوجي وعند اي موقف انفجر لاني اكون متوتره اصلا ومو ناقصه. لا استسلمت للواقع وصار اهتمامي بالولد هو رقم واحد و لما كبر اولدي رجعت اهتم بزوجي لكن حاولي موضوع الضرب تناقشي مع امك فيه وشوفي ايش عندها من حلول بحيث تردع زوجك ان يكررها. لانه مثل ماقلتي سبق وعاملك بعنف وامك كلمته والحين اهو كررها يعني هالطريقه مافادتك اقصد ان فقط امك تكلمه فشوفي امك وش تنصحك فيه لان انا رايي تطلبين ضمانات وتعهد قدام اخوك وابوه او قدام امك وامها بحيث تخلين اهله يضمنونه ويتعهدون لك انه مارح يكررها ويطلبون منه هالشي بحضورك ع الاقل يعمل لك حساب ويعرف ان الضرب مرفوض في عايلتكم وفي عايلتهم او شوفي طريقه ثانيه مناسبه لك