مافيني ارد على واحد واحد بس برد على كلامكم كله هنا ..

اول شي انا سنعه ببيتي الحمدلله وطباخه .. اطبخ له البرياني والكابلي والمندي والكباب والاوصال والصيني والدجاج بالكريمة والذره اللي ادمن عليه واسوي له شوربه وسلطه ونوع حلا بكل غدا .. اتبل الدجاج من الليل .. واجهز اغراض للسلطه واسوي حلاي.. ما انام الا مرتبه كل شي واصحى قبل يجي بساعتين والبس واكشخ قبل يوصل .. بيتي نظيف وبنتي نظيفه ومرتبه حتى هو يقول اهتمامك بالبنت مبالغ فيه يقصد من ناحية لبسها ونظافتها والعابها وأغراضها اللي اشتريها لها ..
دام كل هذا يصير على الغدا مو من حقه يأمرني بقدر الضغط .. هو بنفسه وربي قال لي سفرتك لبنانيه .. يقول صرت أحب احد ياكل معايا ع السفره وانا مع زوجتي اول تسوي لي الرزباللحم او الدجاج ومحد ياكل معايا ع السفره ..
يقول أحب ابتسامتك .. أحب اهتمامك فيني ..
لكن انا من كثر ما يحاول يلغي شخصيتي ويتدخل بكل شي صرت اطفش منه ..
حبوب منع الحمل تدخل بالنوع اللي استخدمه .. يبغاني استخدم حقت رضاعه .. كيف بالله استخدمها وانا ما أرضع بنتي كثير .. طبعا ناقرته بالبدايه بس بعدين جبتها بطريقه ما حبيت انها تكون بيني وبين زوجي .. للاسف صرت استخدم النوع اللي يناسبني بالدس وهو يشتري الحبوب وانا كل يوم ارمي حبه .. وحاليا يقول باخذ لك موعد اركب لك لولب ..
سلامات حديده احطها فيني والله ما اركبه وهو براسه الف سيف الا اركبه
ايش دخله بالله ؟؟؟؟
يا ناس هو كان يقول لي انا ما أحب المشاكل وكنت اقوله حتى انا ... وانا وآلله صادقه أحب الضحك والوناسه والتفاهم .. والان احس هو اللي يحارشني ويدور مشكله ..
اوقات أعدي له وأوقات ما اتحمل موقف فوق موقف خلاص تتجمع على قلبي ..
انا من لما ولدت وانا متوتره .. كيف اربي بنتي كيف اهتم فيها كيف الان انام براحتي كيف اخرج زي زمان كيف القى وقت لزوجي كيف وكيف .. اول ما رجعت بيتي كنت احاول انيمها قبله بكم ساعه علشان أفضى له زي ما قالت لي امي .. وكان يقول اشبك بتنوميها غصب ؟؟ وأحيانا يقول لها امك برأسها موال يا بابا علشان كذا تبغى تنومك !!!!
طبعا لو كنت داخليا بخير كان ضحكت وقلت ايوا براسي موال .. لكن جايبه نونو وخايفه من التغيير اللي بيصير بحياتي واللخبطه وغير كذا كنت تعبانه أساسا من الولاده وبدال ما ينتظرني بلهفه يقول كذا !!
وبعدين صار يقول الزوجه الصح تنيم اطفالها قبل ما زوجها ينام بكم ساعه ولما انيمها واجلس معاه وتبكي بنص وقتنا مع بغض يحط اللوم عليا اني ما اعرف لها وما اعرف متى نومتها العميقة ..
ضغط ضغط ضغط ..
واللي تقول اقتله ب اله حاده .. والله ماليا مزاج اضحك ع مدى فهمك .. انا قلت اضربه ب اله حاده.. اقصد مكنسه او تحفه . وأساسا جا ببالي الصحن القزاز حق حلاوة كبير محطوط ع الطاوله قدامي ..
واللي يقولوا اكتئاب بعد الولادة .. انا تجاوزت هذي المرحلة خلاص الان مشكلتي مع نق زوجي وتدخله .. ولما اقوله مافي ثقه تجاهي وهذا الشي يجرحني ترى .. يقول لا تقولي كذا انا اثق فيك بس اوجهك للصح وانتي حره..

ياناس والله قلبي يعورني ...
واللي تقول اعتذري.. والله ما اعتذر ولا راح أسعى للصلح .. ماني ........ ا ما انضرب ما انضرب ما انضرب مهما صار

يضربني علشان قدر ضغط ؟؟
ايش دخله ب ايش اطبخ ان شاء الله اطبخ بكيس نايلون .. هو له ياكل وبس وبالوقت اللي يبغاه

انا مستفزه وتكلمت عليه ... من قهري احل يتقاوى عليا وانطرم ؟

واللي يقول الله يعينو عليا ..
ترى انا خلقت له بحياته السعادة اللي يتمناها من زمان .. هو يحبني وانا كمان احبه بس مدري ايش صاير مدررررررررري .. زمان المضاربات خفيفه.. الان القلوب مليانه بالذات من جهتي ..
كارهته وحاقده عليه حاليا ..

المشكله اللي كانت شهر .. كبريائه ماسكه له يراضيني بشكل مباشر بس كان يصور دبلتي ويحطها فوق شاشه جواله على صورته ويحطها عرض.. والان حط الصوره اللي دايما اقوله هذي احلا صوره لك.. كانه يقول يلا كلميني بس والله ما اكلمه وبكرا تطعيمة بنته وربي ان كلمني ما راح ارد وخليه ياخذها ويرجعها بنفسه او تروح معاه امي ..

هالفتره ما أنكر عليه التزامات بمبالغ كبيره علشان كذا هو مهموم بس شايفني ما اطلبه زي اول ولا كملت اثاث بيتي ولما قال شايل هم البيت اللي ما اكتمل قلت له انا راضيه ايش دخلك ولا تشيل هم معاك من سنه لثنين ولعيونك طول العمر مو لازم نكمل اثاث .. وانا صادقه بس كانت اهم شي عندي ابتسامته ..

مو لازم اجلس اقولكم حسناتي من ناحيته .. او أنكر حسناته تجاهي.. انا هنا اعرض موقف ..موقف ضربه ليا بذمتكم للان مو مقتنعين اني لازم اتخذ موقف واديه درس للايام الجايه انه ما يمد يده عليا ؟؟؟

هو لو مافقدني وحس انه فقدني من جد.. راح يكررها وما راح يأخذ زعلي بجد .. وراح يقول بباله هي غلطت ويكبر خطاي ويصغر فعايله..
ابغاه يحس ويقول ايوا صح هي غلطت بس بعد ما انضربت .. ابغاه يراجع نفسه ليش شد شعري... علشان اخلف بكلامه انه هو يقفله .. فين الرجوله هنا بالله !!!!

اه اه اه مدري السنوات الجايه ايش مخبيه أيا مع هالانسان .. صح حاقده وكارهته بسبب افعاله.. بس له شي حلو داخلي اكبر من كل شي .. متعلقه فيه لدرجة انه ياما كسر قلبي وبلعتها وما اشتكيت..

اذا عرضت لكم سوء صنيعي بموقف مو معناته انه انا دايما كذا فايره ومعصبه.. بالعكس هو يعرفني ولا ما كان تحملني ولا صبر عليا

__________________