الله يهون عليك
بنظري انه اساسا ينتظر منكم تكلمونه
فالافضل لاتكلمونه ، والطلاق نصيحة لا يجي منك

تذكرت قصة قريبه لي ترويها امس
هي مطلقة ، وتزوجت مطلق
واول ايامها مع زوجها الثاني تقول ذقت طعم السعادة ومعنى الزواج
فعلا وبعد 8 شهور انقلب الرجل ، تغير صار يضرب ، لدرجة هي صارت مثله بردود الفعل تاخذ ترمس الشاهي وع الجدار ترميه
كان يسألها بشكل دائم ملابسك هذي لابستها عند زوجك الاول ( يشك) وتتعقد نفسيته والخ وتقول اساسا زوجي الاول ماحبيته ولا احب طاريه شلون بملابس لبستها عنده اخذها معي ، ومع ذلك تقول اذا جا بباله اي شيء مو كويس عن لبس لي تخلصت منه بس بدون ما توضح له ترا انا تخلصت ( عشان ما يتمادى)
وبتقاشاتهم وصل الامر الى الطلاق، وكان يقولها اني بطلق ( فتقول) طلق !!! يقولها ماتخافين تصيرين مطلقة ثانية ، تقوله لا ما اخاف انا جاية من بيت ما ذلني، وانا وراي رجال .
طبعا رفض وظيفتها وبالعافية خلاعا تدرس بمعهد.
وانجبت منه 4 اولاد
مشاكلها مع زوجها استمرت لحد ما صار عمر اول ولد لها 7 سنوات..
وتقول كنت ذيك الفترة احسني راحلة عن هذا البيت( بيت زوجها)
وزوجها فترة خلافاتهم كان يتغيب عن الدوام بقدرة قادر قالو له لازم تجيب اعذار، ولما راح ياخذ اقترح الطبيب اللي سوا عليه كشف ليعطية العذز انو بيحوله لطبيب نفسي،
العجيب انه راح يشاور زوجته!!
وقالت روح ، وراح واخذ حبوب وسعادت زوجها يتخلص من الجرعات لحد ما ترك العلاج ولله الحمد..
فترة مشاكلهم ولما حست ان زوجها متضايق من اهلها واهلها متضايقين من مشاكله معاها، كانت تروح تقول لاهلها زوجي فلان يسأل عليكم وتراه يسلم عليكم ، ونفس الاسلوب مع زوجها تتبع ترا اهلي سألو عليك ويسلمون عليك ويمدحون بك ووووهاك مدح
واصلن ماحصل من هالكلام شيء..

الان ولله الحمد امورها مستقرة معه ، وعمر عشرتهم 19 سنة الله يسعدهم ويتمم عليهم
ويرزقنا الصبر الجميل
ولا يبتلينا ويعافينا