ماشاءالله تبارك الرحمان كل مرة بزيد اعجابي فيكي اخت هند ارفع القبعة لك 😚😚😚😚
عزيزتي انت مدرسة بحد ذاتها بارك الله لك بكل حرف تكتبينه ويجعله في ميزان حسناتك

بلاقي قواسم مشتركة معك كتير
زوجي بالرغم من فارق العمر بيني وبينه 15سنة الا انه انصدم بادارتي للبيت وللحياة
وسلمني المصروف واكثر المسؤوليات
لانه مبذر او بالاصح لا يعرف التخطيط ولا يحسب حساب لاي شيئ بل بشكل عشوائي

وانا الحمدلله اخدت امور كتير من ماما سواء بوضع لائحة بالمصروف الشهري وجدول لايام الاسبوع او الادخار
حتى اي شي بيعملوا عليه عروضات وبتوصل ببعض الاحيان لنص السعر
بجيب بكميات كبيرة وبحفظها ممكن تكفيني تلات شهور وبتوصل لخمسة لبعض الاصناف
كالمعكرونة والرز والطحين والسكر والزيت والمحارم والشوكولا وادوات التنظيف او اي شي ما بيفسد بسرعة
واذا اسماك بجيب وبجمدها لمدة اسبوعين
ودايما الجدول الاسبوعي او الشهري والتخطيط السليم للحياة بسهل امور كتير وبيساعد على اختصار الوقت وبالتالي الراحة الفكرية والجسدية

الحمدلله بالنسبة للتبذير اتعلمت انو النعمة اللي بدي ارميها غيري محروم منها
مع انو ما كنت شوف حالي مبذرة بس اختي اللي اصغر مني لفتتلي نظري لاشياء كنت غافلة عنها ربي يسعدها ويبارك فيها

ووقت ما نحصر تفكيرنا بانفسنا رح نلاقي حالنا انو عم نفكر بغيرنا من دون ما نشعر
وهالشي نقلته لاطفالي
مثلا البارحة كنت مخططة اعمل بطاطا بوريه وفيليه سمك وخضار متنوعة
وقبل ما حضرهن بشي ساعة كان مع ابني الكبير سندويش زعتر بالمدرسة ضلت معو للضهر
فسألني اذا بيقدر ياكلها وقلتله انو الزعتر بالزيت ما بيفسد بكم ساعة فاعطيته معها خيار
وقت بلش ياكلها يقلي ممممم يا ماما شو طيبة صحيح انها زعتر وشي بسيط بس استمتعت فيها ودايما بيتمنى انو ما يبقى حدا جوعان على وجه الكرة الارضية

صدقيني وقت شفت الفيديو اثر فيني كتير وموجود من هالشي بكتير دول بالعالم
لو بالفعل ما كان في رمي للطعام ولا التبذير الفاحش لكانت العالم كلها شبعانة ومش محرومة ولا بقي دابة على الارض جوعانة

في فرق بين الحرمان والبخل وبين الادارة وتنظيم المصروف والعيش حياة كريمة بعيدا عن التبذير
بعترف اني مبزرة فقط في العطور

وممكن في نقاط ما علقت عليها لاني قريت شي تلات صفحات فبتكون البعض منها راح عن فكري سهوا
بس موضوعك لازم ارجعله بين فترة وفترة لانو بالنسبة لي موسوعة بحاجة ضل اطلع عليها لاستفيد قد المستطاع
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه