المشاركة الأصلية كتبت بواسطة hsooonh

بعض الردود تعطيك فكرة قد ايش احنا مسلمين ولا نعرف الي علينا والي مو علينا !!

استغرب من المؤيدين للزوجة مافعلت لا وبعضهم يتكلمو على تسلط الذكور وغيره وتضيق الخناق ،، عجبي !!

نسيتم ماقال النبي في حق الزوج ؟؟

قال صَلَّى اللهُ عَلَيْهِ وَسَلَّمَ : ( لَوْ كُنْتُ آمِرًا أَحَدًا أَنْ يَسْجُدَ لِغَيْرِ اللَّهِ ، لَأَمَرْتُ الْمَرْأَةَ أَنْ تَسْجُدَ لِزَوْجِهَا ) رواه ابن ماجة (1853) ، وصححه الألباني في " صحيح سنن ابن ماجة " .

اذا في ذهاب الزوجة لاهلها من دون موافقة الزوج اختلف فيها العلماء وحتى بعضهم يرى للزوج الحق في منعها من اهلها وانتي تقولي صديقتك ؟؟ وغيرك يأيدك سبحان الله !!

ارجعي لعقلك واتركك من الكلام الي مايودي ولا يجيب هذا زوجك ومن حقه عليك يمنعك لا تخربي بيتك ولا تبالغي بردة فعلك ولا تتحججي بدراستك ولا بغيره ومعليش ايش الواجب الي يحتاج ايام لا تزعلي مني هذه ولا بحوث الماجستير فلا تعظمي الامر عشان لا يقوى موقف الي هو على غلط ولا تعتبري كلامي هجوم على شخصك ولكن على تصرفك ..

وفي نقطه مهمة وح تفيدك مستقبلاً ،، اصحى تتصلي على زوجك وتطلبيه انك تخرجي او تستقبلي احد في وقت الاتصال اغلب الرجال ماراح يوافقو لأنه ابسط شيء راح يجي في باله هذه تبغى تورطني ولا تحرجني ولا اي شيء وفوقها تحرجي نفسك اذا رفض ..

المرة الجايه لمن يكون عندك زي هذا الموضوع استأذني منه اقلها بيوم لان اساس الزواج مشاركة واعطيه وقت يفكر ويرد واطلبيه باسلوب تحسسيه انه رجالك مو سواق عندك

والكلمة طبية صدقة فمبالك بين الزوجين ولا تقولي زوجي فيه وفعلته وتركته لا فكري انتي ايش ممكن الاجر الي ينكتب لك بسبب صبرك عليه

والله يهدي سركم ويريح بالكم ..