حبيبتي بصراحة انت غلطانه وهو غلطان بس خليني الفت نظرك لأمر عشان تتفاديه مستقبلا ..انك تخبريه نزلتك عند رفيقتك بالجوال خطأ.. كان لازم تناقشيه وجه لوجه حبيبتي زوجك وانت ادرى بطباعه حتى لو انت واثقة انه بيوافق وعادي تخبريه بالجوال احيانا الرجال عليهم حركات خنفشارية فممكن بس كدا يقولك لا لمجرد لا
بس اللي حصل معاك والله اعلم انك حطيتيه في الأمر الواقع يعني بالعامية كانك تزنقيه وخلاص لامفر قام هو اعطاك الرد وصار العناد..
وهذا خطأ ماكان ينبغي توصلوا لها المواصيل بالذات وانتي عارفه اسلوبه كل مادق الكوز في الجرة يالله عباتك بيت اهلك.. فعشان تشتري راحتك خلي هالنقاط امام عينيك وانت تتعاملي مع شريكك
الامر الاخر وهو صلب الموضوع نصيحة مني لك لاتكبري الامر وتركبي راسك ياما سمعنا وحدة




تقول ابي ارجع بس اهلي وماادري ايش وبعدين تصير شغلات مابيتضرر منها غيرك..
انه كلم اهلك واقحمهم في المشكلة غلط بس تعالي شوفي تصرفه من زاوية الشخص اللي يشوف انه رب الاسرة وانت مسؤولة منه وفجأة ولاتعبري كلامة! صدمة هو ممكن كان يبي ينتصر للحظة نفسها وكلم اهلك.. قدري شعوره انه حس ان كلمته انضرب بيها عرض الحائط شعور مش لطيف
الامر المهم ياقلبي انتي انصحك وانصح كل انسان على وجه هذه البسيطة انو الكلامة الطيبة تخرج الحية من جحرها ويكفي انها صدقة
وراء معظم المشاكل سواء شركاء او اخوان او اباء وابناء اسلوب حاد ..
وباختصار تعوذي بالله من ابليس وارجعي بيتك وشوفي الطريقة اللي تريحك للإعتذار وخليك هادية ولاتناقشيه او تعاتبيه لانوا ممكن تنجرحي وتزعلي خلي كمان شوية قدام وامورك بتزين ان شاء الله

__________________
تراب كلنا حتى لو إختلفت بنا الصور