الله يكون بعونك عزيزتي ام دان
بالفعل انك بموقف لا تحسدين عليه
بين نارين من جهة ابنك ومن جهة زوجته اللي اعتبرت نفسها بنتك
الله يفرج همك ويكون معك
هيدا اللي الواحد بخاف منه اذا بالفعل الحب موجود بيناتهن وهو ما مقصر وزوجته ما مقصرة وقبل زواجه من الثانية صارت تشعر بالكره وهيدا دليل ئديش بتحبه وئديش رح تتأذى من الموضوع لدرجة صارت تحس بخليط من الحب والكره
ممكن اذا تم الزواج ترضخ بس ممكن ما ترجع زوجته اللي كانت قبل
ممكن ما يخسرها شخصيا بس احتمال يخسر قلبها
وهون الواحد بيعد للعشرة متل هيك قرار
فكرمال هيك يا ريت اذا ضل مصر على موقفه يصارح زوجته ويتركلها القرار وهو لازم يتقبل قرارها اذا رح تضل الزوجة المحبة او رح تتحول علاقتهن لعلاقة باردة بدون حب ولا مودة
خليه يفكر منيح هل مستعد يخسر زوجته او بالاحرى حبها وتصير انسانة تانية او حبها ما عاد يكفيه وعنده استعداد انو يتخلى عنه مقابل حب جديد
بهيك موضوع وخاصة اذا كانت العلاقة جيدة بين الزوجين صعب القرار
يعني اذا قال الواحد خليه يتزوج ويغامر وكيف ما تجي تجي وما في شي مضمون
واذا انجبر يتخلى عن فكرة الزواج وهوي مش مقتنع يمكن تعطي ردة فعل عكسية
عنجد قرار صعب
والاصعب انو ابنك بدو ياكي تساعديه وزوجته بدها ياكي تساعديها
الحمل عليكي صار اكبر عزيزتي ام دان
اسأل الله ان يعينك على هالموقف ويسهل امرك لما هو في صلاح الجميع
ربي يجمعكن ولا يفرقكن ويسعدكن دنيا وآخرة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه