مابي احط بذمتي
يمكن الرجال صادق

لكن حبيت انبهك في بعض الاشياء
تساهل وانفلات كثير من البنات في جيلنا الحالي يخلي الرجل يفكر ان كل البنات من نفس الطينه
مايعرف يفرق بين البنت المحافظه والبنت اللعابه

لا يغرك طريقة كلامه ورزانته
لو انا بتقدم لوظيفه بالمقابله راح ابين لهم اني افضل الناس واكثر واحد يناسب الوظيفه والسبب لاني ابكون محتاج للوظيفه
نفس المثال ينطبق عليك
هو يبي يتزوجك بالسر فبيبين لك انه رزين وعاقل وماعنه لف ودوران
لكن عقلياً ومنطقياً لو انه عاقل وزين وحكيم كان اولاً ما اتصل على جوالك وثانياً كان ماتزوج على زوجته حتى لو ان التقصير بيكون منها لان لو انه عاقل ورزين كان حل مشاكله مع زوجته الاولى وثالثاً زواج السر اكبر غلط لان الواحد مايتزوج بالسر الا لانه يعرف بان اللي يسويه شي غلط

طبعاً اكيد فيه لكل نقطه قلتها تبرير
الاول يمكن لان اللي اخذ منها رقمك ماتعرف رقم ولي امرك فاعطته رقمك
الثاني يمكن زوجته الاولى فيها عله دائمه او انه تزوجها بالغصب من عائلته
الثالث يمكن مايقدر يعلن الزواج لان عائلته بتعارض عليه وهو مايبي المشاكل

واذا تبين الصراحه لو احد تقدم لاختي بنفس هذي الطريقه رفضته ولا راح اوافق عليه