ورد
ع البركة ياورد
جدا جميل حبيته💕

ميمو
صحة وعافية يااارب
انتي وين ساكنة؟ لان الدنيا حرر يادوب الجو يعتدل اخر الليل

كوين
قبل تنامين اقري اية الكرسي وامن الرسول كل ال2 احرصي عليهم
صدقيني مع الوقت تتلاشى الاحلام



توي خلصت من الجهاد اليومي
ربي يكتب الأجر
اليوم العصر غفيت نص ساعة الا ولدي الأوسط كب ع السجاد العملاق مع صابون غسالة الصحون جديد مااستخدمته وملمع زجاج وسبراي ديتول
ريحة النظافة شميتها وانا بسريري
قمت وفركت هالمكس العجيب بس اللي صار ان سجادتي سكرية وبقعة الخلطة صارت كأنها أبيض نيلي من الملمع اعتقد😢
وبعد مادرست بنتي وكويت وجهزت ملابس بكرا الا الأخ عافس لي الغسيل يدور ثوبه😢
وبعدها صار يصارع اخته الصغيرة ويخرب ع الكبيرة واجبها
بالاخير انفجرت وهاوشته وقرصته وزعل علي
حضنته وقريت المعوذات ونام والحين الدمعة بعيني

بجد هالولد صععععب غير غير عن اللي اشوفهم الله يصلحه
حتى ساعات نومه مو زي الاطفال
اخر من ينام واول من يقوم
شريت كتاب عن الاطفال المزعجين وليته ماشريته ملخص الكتاب انها مرحلة عمرية ولازم نتأقلم عليها
بس الحق اللي عندي غير الله يعين يارب