اقتباس:
المشاركة الأصلية كتبت بواسطة mlsstudent
السلام عليكم
بالنسبه لي لو زوجتي موظفه ماعندي مانع
لكن ما ابي اتزوج وحده موظفه اغلب وقتها بوظيفتها
مو طمع لكن انا تزوجت علشان استقر واشوف من يهتم في بيتي ويهتم في ابنائي خلال غيابي
مثال حبيت اطرحه
احد اخواتي جاها تعيين في منطقة نائيه
مع العلم انها ماتحتاج الوظيفه لانه ينزلها راتب تقاعد الوالد يساوي الراتب اللي بيجيها من الوظيفه
وعندها بيت ملك من الوالد الله يرحمه
انا رفضت على وظيفتها لان المنطقه مانعرف فيها احد واذا راحت هناك بتحتاج شخص يشوف امورها واحوالها لان مع احترامي الكبير لجميع النساء وارجو منهم عدم فهمي غلط لكن الحرمه نادر اللي تعرف تدبر امورها،، انا طالب مبتعث وشفت امثله كثيره من المبتعثات والله مايدرون وين الله حاطهم وينلعب عليهم بسرعه
ولا فيه احد يقدر يطلع معها من اخواني وحتى خطيبها ماعارض على الوظيفه لكن الرجال بيكون بعيد عنها بألف كيلو تقريباً والمشكله هي ماتعرف متى بينقلونها للمدينه اللي تبيها
هي ماتحتاج للوظيفه وخطيبها الله مغنيه واذا هي خايفه اذا طلقها بيجيها راتب التقاعد ولحد يقول مايكفي لانه راتب التقاعد اللي تستلمه عالي
لكن هي معنده الا تحتاج الوظيفه واذا اخذت هالوظيفه نص الراتب بيروح على الاجارات والنقل والفواتير
يعني بيصير نص راتب التقاعد تقريباً اللي تستلمه وهي قاعده في البيت
يا اخواتي اللي يتكلمون عن الوظيفه واهميتها
الوالده موظفه وانا اعرف ان اهمية الوظيفه عاليه سواء للذكر او الانثى
لكن اذا انا الله مغنيني ومحافظ عليك ولا خليتك في حاجه لاحد ولا حسستك بشي غلط
ليش تتوظفين؟ ارجع من الدوام ابي اشوف البيت يفتح النفس وفيه المرأه اللي تعبت علشانها وافرح لتعبي علشانها ومستعد اني اتعب زياده كل هذا في سبيل اني اشوف هالابتسامه واذا كان مزاجي تعبان من الدوام ترسم الابتسامه بوجهي غصب عني
ليش تطالب بالدوام اللي يخليها تتعب وترجع من الدوام مالها خلق شي وانا ارجع يكون مالي خلق شي
يعني لا انا اللي لقيت لي احد يهون علي ولا هي اللي لقت لها احد يهون عليها
نهاية الكلام
انا شخص مع توظيف المرأه لكن بحدود المعقول
|
وأنا لو كنت مكان اختك وعندي ما يؤمن مستقبلي مثل ما تقول راتب يساوي راتب الوظيفة وبيت ملك والله ما اتوظف واجلس في البيت أبرك لي بأهتم بزوجي وعيالي واكيد بأطور نفسي أخذ دورات اطلع وأقرأ وممكن أشارك بأعمال تطوعيه وأي شئ ينمي شخصيتي أهم شئ ما أكون ملتزمة بدوام معين ....
لكن إلا ما عندها شئ لا ورث ولا دخل مادي من أي جهة وجاتها وظيفة حكومية الأفضل تتمسك فيها وتحاول توازن بين الوظيفة والبيت وتبذل مجهود مضاعف والله يعينها ..