المشاركة الأصلية كتبت بواسطة سُلَّمُ ألحَانٍ

السلام عليكم ,,

أسأل الله أن يربط على قلبك ,,

قبل كل شيء ,, ( زوجك يحبك ) ,,

شوفي يا أختي ,,

,,
خلي موقفك وموقف أهلك صارم معه ,, لدرجة كبيرة ,,

لو كان الموضوع غير الشك بالشرف ,, لقلت لكِ اصبري وووووووو الخ وشفنا لك حلول طيبة ,,

أما موضوع الشرف ,, لازم يكون موقف أهلك معه وموقفك صارم ,, حتى ولو كنتِ تتحملين جزء من الخطأ ,, لكن إذا شاف قدامه ناس ما ترضى الشك في بنتهم ,, وممكن يقومون الدنيا عليه بيخف إن شاء الله ,,

كلمي الرجال في أهلك عن الموضوع من بدايته للنهاية وكلميهم إنك تبغين ترجعين للبيت معه ومع عيالكم ,, عشان يوزنون الكلام معه ,, و الشخص الشكاك إذا ما حصل قدامه جبل ,, يتخبط كثير في تصرفاته ,, يعني لازم يكون كلام أهلك معه أكثره بصيغة الأمر ,, وكمان تعطونه مجال يفرض أمور يبغاها معقولة ,, أما حبس ,, و حرمان ,, وغيره ,, لا ,, لأنها بتزيد الشك عنده ,, وتخليه يوسوس أكثر في إنك تقدرين تتواصلين بطريقة ثانية ,, وهذا التفكير ما هو في صلب المشكلة بس الشيطان يوسوس له بعيدا عن أساس المشكلة ,,

ومبدأيا اعزموه بالبيت وخلي أخوانك يتكلموا معه مثل ما قلت لك فوق وبعدين اطلبي من إخوانك الخروج و افتحي كل حساباتك في مواقع التواصل الاجتماعي ,, وقولي له يحذفها بنفسه ,, وخليكي معه طيبة مع حزم ,, مو طيبة مع ضعف ,, وبعدين قولي له مالي في الحياة غيرك ,, ومن هالكلام ,, وبيننا أولاد ينتظروننا مجتمعين ,, وخليكي مثل ما أنتي قبل المشكلة ,, يعني لا ترجعين بيتك وتسوين ليلة رومنسية وقلوب ورسايل حب وخرابيط ,, هذي ما تمشي مع الشكاك ,, بيرجع يقول ما كانت ترسل لي بكثرة زي كذا وما كانت تسوي لي ليلة رومنسية ووو ,,

راح يهدأ فترة وتجيه نوبة الشك فترة ,, فإذا جاءت نوبة الشك كوني حازمة وقفلي الموضوع بحزم ,,

الشكاك ,, يحتاج 1 + 1 = 2 ,, فقط ,,

موفقة ,,