المشاركة الأصلية كتبت بواسطة mimomea

عزيزتي الانسان العصبي صعب يمتص غضبه بين ليلة وضحاها
وما دام بيرجع بيضحك وكأنه ما في شي
فالحل انك وقت يعصب تعرفي انو هيدي طبيعته وتمشي على هواه وبينك وبين نفسك طناش لو كسر البيت
ووقت يضحك اضحكي وكأنو ما في شي
وحاوريه وقت يكون رايق وانو يوعدك هيدي مش مضمونة
بس يخفف شوي شوي مع الوقت بتصير
ولتمشي الحياة لازم احد الشريكين يحتوي الاخر ليمشي المركب

وعم احكيكي هيك مش دفاعا عن زوجك
بس لانو انا بعصب كتير كتير وبعد شوي كأنو ما في شي بضحك وفرفوشة لوهلة اللي ما بيعرفني ممكن ينصدم ويقول انو عندها شخصيتين متناقضين
وبكل جلسة مصارحة بطلب من زوجي انو ما يرد عليي بس عصب واشرحله من شو بكون معصبة والسبب مش منو وببعض الاشيا منو
وصار يحتويني ويتركني لاهدأ
وممكن نتصادم اوقات وكل واحد يحكي اللي بدو ياه وبعد شوي كأنو ما في شي لا بنعتذر ولا بنرمي اللوم عالآخر
يعني متل ما بقولو فشة خلق
وحتى الاولاد فهمتهن وقت كون معصبة كيف يتصرفوا وبرجع بعوضلهن بعدين اضعاف اضعاف

اذا زوجك في ايجابيات ومن ضمن سلبياته العصبية
لازم تتقبلي هالسلبية متل ما بتتقبلي الايجابيات
ومع الوقت رح تفهميه عالطاير
وما عاد تأثر عصبيته عليكي
بس اهم نقطة يحترمك قدام الصغير والكبير ويعملك قيمة

اسأل الله ان يسخركما لبعض ويرزقكم السعادة من حيت لا تحتسبون
احترامي