الحمد لله

ياختي اللي صار صار وانتهى
ليه تعذبين نفسك وتحملينها فوق طاقتها ؟
اللي صار كان غصب عنك
لا تقعدين تجترينه كل شوي
هذا والله من وسوسة ابليس
عشان يحزنك وتضعفين ويضعف ايمانك
ثم يحكم سيطرته عليك ويصير يوديك ويجيبك
استعيني بالله وخليك قويه
وحطي في بالك مافي احد ماعنده بلوه بحياته
بس كل واحد بلوته بشكل
والحمدلله انه رزقك بزوج يخافه فيك
اعتبريه ووالدتك كل حياتك بعد الله
انا ما اقول لك انسي
لان امثال هذي المواضيع ماتتنسى
بس ممكن يصير عندك قناعه
تقنعين انه خلاص بلوه وانبليت فيها والحمد لله انها عدت
عيشي حياتك
ووالدك الله بيحاسبه لاتحمّلين نفسك همه وتعذبينها وهو عايش حياته
وزوجك ان مدحه لاتردين عليه لابطيب ولا ببطال
اتبهي يحس بشي
و اهملي الموضوع ولا تعتبرينه شي مهم
اسعدي نفسك مع زوجك وعيشي حياتك معه بالكامل
لاتخلين الموضوع يأثر في العلاقه بينكم
كل اللي كان نفسك يكون من ابوك راح تعيشينه مع زوجك
حب حنان عطف رحمه
وهذا ماحيكون منك اذا ضليتي بهذا البؤس والحزن
لانه راح ينعكس عليك في تعاملك مع زوجك وعلى جوك الأسري عموما
مثل ماقلت لك خليك قويه ومتفائله عيشي حياتك بمايرضي الله ويسعدك
ولا جا ذكر السالفه براسك اعتبريها سفه حصل من سفيه مايستاهل مخك ينشغل بها
لاتقعدين في صراع معها خلاص قولي بس لحد هنا وكفايه وركزي على حياتك
من هو ذا اللي يستاهل تقهرين نفسك عشانه وتعيشين باقي حياتك تفكير وحسره عليه يغـــــــوووووووووووور
انتي عندك الاهم منه وهو رضا الله ثم والدتك وسعادة زوجك
قوي علاقتك برب العالمين
انشغلي به دون خلقه وتقربي له بالطاعات واسأليه ان يشرح صدرك
واكثري من قرآءة سورة الشرح
وعاملي زوجك باحترام وطيبه وكلام حلو ودلال واهتمي ببيتك
وبري والدتك واحسني لها واطلبي منها تدعيلك

اما والدك
خلي علاقتك معاه سلام وعليكم السلام كيف حالك وبس
لايكون ذاك الشي اللي تشوفين له اهتمام
انظري له نظرة المسكين الضعيف اللي تبع ابليس واورده المهالك
اهم شي مايكون فيه قطيعه
والله سبحانه وتعالى مايكلف عبده فوق طاقته
أسأل الله تعالى أن يجعل ما أصابك بردا وسلاما عليك
وان يجعل حياتك مع زوجك سعاده ماتنقطع في الدنيا والآخره
اللهم آمين