رد: أنت وجارك : )
اول ماسكنت شقتي وبعد زواجنا بشهرين ارسلت لي جارتي الي جنبي رقمها وقال ولدها لزوجي خل اهلك يكلمون امي
سجلت الرقم وكلمتها وقالت فيه جمعه كل ثلاثاء واذا صارت الجمعه الجايه تعالي اول شي اعتذرت لانه توني عروس
وقلت بعد مااستقر بااكلم
وبعدها بثلاث شهور كلمتها وقالت لي بااي بيت يجتمعون ورحت معها وصرنا كل ثلاثاء نجتمع ببيت
والله والله اني اعتبرهم عائلتي
تقريبا 26 بيت بس اخوااااات اذا احد تعب الكل يفزع ويعطي
حتى لو احد حسيناه محتاج سوينا جمعيه وجمعنا وعطينا الجاره المحتاجة
والي تنفس نخدمها ونطبخ لها ونمسك عيالها
والي تمرض نرسل اكلها
والي تمر بظرف نجي حولها وحواليها مانتركها
جارتي ماتت اختها قعدت معها وخدمتها ومسكت عيالها وحاولت انسيها الهم
ووحده مات زوجها وقفنا معها وقمنا بااكل العزاء وكل واحد فينا حط مبلغ وحطيناها مبلغ كبير لانه توقف راتب زوجها
وكل بيت يعطيها نفس مايقضي لبيته
كل ليله عندها الي فاضيه خلصت شغل بيتها وزوجها تجي
وكل ليله بيتها مايفضى جارات
اذا طبخت ارسل للقريب منهم اذا جبنا لحم او عيد
نجتمع باستراحات دوريه ووقت الفرح نتجهز كاننا من نفس العايله ونشتغل ونجيب
مررره غيير علاقاتي لين الحين معاهم