بونجووور لكل اللي حابين يحكوا بلهجاتهن 😁😁😁😁

مهووورة انا شايفتك غلبتي شوك 😁😁😁😁😁

بالنسبة لموضوع الحماة للصراحة ومن دون مثالية من تجربة ستي (جدتي)ماشاءالله عندها 10زوجات ابناء ولا مرة اتدخلت بوحدة او شافت عليها غلط وحكيت شي او وجهتلها كلام
واذا غلطت زوجة ابنها بتلاقي ستي بتجي مع زوجة ابنها بتقول بتضل غريبة ولازم نحتويها

ستي الكل بحبها وانا بموت فيها لاجل تصرفاتها

واول ما اخي قرر يتزوج قلت لماما ولا يوم تفكري توجهيلها اي كلمة بتأذيها مهما غلطت وعملت حياتها خاصة فيها وحياتك خاصة فيكي
ولكل شخص عندو طريقة تفكير وشخصية وتصرفات
الا اذا طلبت منك نصيحة بتعطيها نصيحة

والحمدلله اكثر من خمس سنوات متزوج اخي مستحيل نقبل حدا يزعلها ولو غلطت
لانو ما حدا معصوم ولا ملاك

اما بالنسبة الي واذا الله كتب لي عمر واتزوجوا اولادي
مستحيل ومن سابع المستحيلات اتدخل فيها او لومها على اي شي

بس الولد يكبر ويتزوج صار عنده حياة خاصة فيه

فخليه يعيش حياتو وانا بستغل الفرصة وعيش حياتي😁😁😁😁😁


وتصطفل زوجته منها لابني يدبحوا بعض يقتلوا بعض آخر همي
لانو قرار ابني هوي اللي اختاره ولازم يكون قد قراره ويتحمل المسؤولية
ويعرف يحل اموره
انا بكره انو يجي ابني يحكيلي مرتي عملت وسوت ويشكيلي
بزعبه من البيت ههههههه

يروح يشوف سلبياتو قبل ما يحكي عليها
واذا بالفعل اذا مظلوم يتصرف بعقل وحكمة

مستحيل تجي اي زوجة تتصرف بقلة ادب او اي شي الا ليكون زوجها سامحلها تعمل هيك وراضي هوي بهالشي

وانا للصراحة ما بحب حدا يتدخل بحياتي ولا بحياة بنتي كرمال هيك ما بحب اتدخل بحياة بنات الناس
متل ما الرجل عنده اهل ربوه وتعبوا فيه
البنت كمان عندها اهل ربوها وتعبوا فيها

فهيك بريح راسي وهني بريحولي راسي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه