روح حبيبتي بس تكوني بحاجة للفضفضة كلنا سامعينك وما رح نمل ابدا ابدا
وبعمرك ما تاخدي اي قرار وقت الغضب
بتعرفي ايمتا بتكون قراراتنا صح وقت نكون بنفسية مرتاحة كتير
ونقول انو هيدا بناسبني وهيدا لاء
واعرف سلبيات وايجابيات كل خطوة رح قوم فيها
عندها قراراتنا بتكون صح

الشرط من حقك يا روح بتنفذ
وشوفي ئديش اهميته لتغيير حياتكن للاحسن لمصلحة الجميع

وخاصة في اطفال بيعكسوا المعادلة باكثر الاوقات

وانا سبق وقلتلك انتي عاملتي وبتعاملي زوجك كطفل ما شاءالله عليكي وهالشي نادر
نشوف زوجة بتعطي حنان واهتمام ودلع لزوجها متل ما بتعملي
ولازم تغيري معاملتك الو

وانتي بتعرفي كمان منيح انك رقم واحد بحياة زوجك وبلاكي بضيع
واذا زعلتي منو بفش خلقو بولادو اللي من صلبو
ولا بفش خلقو فيكي


بس انا بأيدك انك تقسي عليه لتنفيذ الشرط اذا كان وقت الحاضر مهم لتأمين الاستقرار

بس انفصال بنصحك تبعدي عن الفكرة
لاسباب كتيرة منها :

_زوجك اتغير ولو شي بسيط يعني في امل يتغير اكثر واكثر

_زوجك بشهادتك كان الوحيد اللي يضحكك وما زال عنده الحركات بس انتي اتغيرتي وما عدتي تضحكيلها


_بعز ازمتك هلئ بضل عندك تردد تضعفي وتحكي معو او تضحكي على موقف صدر منو ويعتبر هو كأنو ما في شي والحياة ماشية

_الاولاد قبل كانو كتير معلقين فيه وهلئ عم تقولي خلص اتعلقوا فيك
هوي صحيح اللي عم تحكيه لانه بعدو موجود بحياتهن بس وقت ما عاد موجود رح يترك اثر من دون ما تشعري
وردة الفعل بتجي بعدين


_وقت عم تذكري كتير بالموضوع هلئ اصحابه انو خليهن ينفعوه
يعني هني السبب الاكبر بغضبك
ولو انقطع عنهن بتهدي وبتتراجعي عن فكرة الانفصال
يعني سبب الانفصال مش قوي ناتج عن كراهية زوجك بالفعل
بل عن كراهية تصرفاته

_وبأسوء الحالات اذا بالفعل ما حاطة براسك الزواج وما عدتي تحبي زوجك وعم تحسي متل الاخوان
عيشي انتي وياه بالاتفاق مع بعض كالاصدقاء بالبيت اقل شي بضلوا الاطفال ربحانين
وانت ما خسرتي شي

_وقت بالفعل تطنشي شو عمل وما تهتمي ولا يهمك انو عايشين متل الاخوان ساعتها بيكون ما عاد يهمك

بس اللي شايفتو حبيبتي روح انك بحالة ثوران وغضب وتضارب بالمشاعر
وهالشي بنمر فيه بنحس بكراهية تجاه الشريك وبنصدق انها حقيقة وبنبرمج عقلنا الباطني انو مزبوط
بس وقت تهدأ عاصفة الثوران كل شي بيتغير
قرار واحد بغير حياة كانت على وشك الانهيار

روح ما دام ما عم يضربك ولا شارب الخمر ولا بهينك احسبيها منيح
رجل بالاسم افضل من انو تتعرضي لمضايقات

للاسف في بعض الرجال بيصطادوا بالماي العكرة وبيستغلوا المرأة وقت يشوفوها بدها تنفصل
وبيغرقوها بالعهود وبتفكر انو هيدول اللي رح يحترموا انوثتها وفكرها ويقدروها
بس رح يكون مجرد طعم والاقنعة رح بتزول

انا ما رح قلك ابقي ولا انفصلي بس رح الك وقت تمر فترة طويلة وانتي كتير ريلاكس
وما عم يتحرك فيكي ساكن تجاه تصرفات زوجك ان كان بمشاعر العاطفة او بحالات الغضب من اي تصرف بيتعلف فيه
وتاخدي قرار عن قناعة تامة
عندها قرارك بكون صح
اسأل الله ان يرزقك السعادة وراحة البال عاجلا غير اجلا

بالتوفيق حبيبتي😙😙😙😙

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه