سابقا التمست لها العذر بسبب الحمل الاول وكذا
لكن بصراحه زوجتك زودتها مره وبصراحه اكثر زوجتك قليلة أدب وماتربت كيف تطلب منك قطع الصله مع اهلك وأمك ؟؟؟
انت معطيها وجه بزياااده
قل لها المشاكل وسوء الفهم بكل مكان حتى مع الام وبناتها وعيالها فطبيعي جدا ماحصل وماسيحصل ومايحصل مع كل الناس !!
عجيب والله
فرضا غلطوا وبعدين ردة فعلها مبالغ فيها جدا
دلع في دلع وقلة حياء
غلطوا وبعدين ذي بمقام امك وذيك بمقام اختك
قامت القيامه يعني
وشوله تصير زعووول عيب عليها
كان جلست في بيت اَهلها وماتزوجت
دامها ماتتحمل الهواء الطاير
أجل وش تركت للمشاكل والصعوبات الحقيقيه في الحياة دام من اول خلاف تافه طبيعي خرجت من بيتها وطلبت قطع الرحم او الطلاق والله عيب !!!
وبصراحه انت بعد ماعندك سالفه الحمدلله والشكر
تقولك هالكلام السيء بحق والديك واهلك وطايح تدليل فيها أجل تحمل مايجيك والقادم أسوأ !!!
الحل وانا سيده ثااار الدم بعروقي حمية لوالديك واهلك واسلوبها السوقي معهم لا والغريب بعض الأعضاء يصفها بالذكاء !!! الا غباء مع احترامي
اي ذكاء وهي تعادي أهل زوجها ولم تعرف كيف تكسبهم وتكاد تخسر زوجها ايضا بحمقها واندفاعها ونرجسيتها وكأنها الوحيدة في العالم التي تحس وتشعر والبقية مسخرين لتدليلها اخ بس
ارجع لحلي ان أردت الأخذ به
قلها للمرة الاخيره اهلي ووالديني خط احمر لاتقربين عليه والي مايبي اهلي ماابيه بصيغة شديدة اللهجه
والي حصل عادي مايستاهل كل هذا
وانت كبرت الموضوع وطلعت من بيتك ودخلت اهلك وفضحتينا وهذا مكدرني منك وقلل حبي لك كثيررررر
اذا بترجعين اهلا وسهلا وتعاملين اهلي مثل اهلك وخاصة الوالدين وانا ابحطك ع راسي وادللك ولن اسمح لأحد يهينك بشرط يكون شيء يستاهل مو خرابيط وسوالف حريم تصير في كل بيت
ومستعد اسامحك ع كل اغلاااطك السابقه ونفتح صفحه جديده عنوانها الحب والتسامح والتغافل وحسن الظن مع الجميع
والا اجلسي في بيت اهلك
طلاق ماراح اطلق
ماتبينن اطلبي خلع وردي لي مهري
وربي يعوضني بخير منك وحده تخاف الله في زوجها وأهل زوجها
وأي شي بخصوص البنت راسلين وانا حاضر
اما انت نااااشز لانفقة لك خلي اهلك ينفقون عليك
واقطع كل تواصل معها بدون حظر ولاترد ع اي رساله لها الا بخصوص البنت واصبرررر
واذا تحبها وتبيها للعمر كله ربهااااا من جديد
والتربيه تبي صبرررر وطولة بال وحزززم وشده لما تتعدل هلي ماتستحي ولاتنتخي !!!!