اخي صرلي ساعتين وانا اقرأ الموضوع والردود
بارك الله بالجميع وجعل كل كلمة في ميزان حسناتهم
والله يفرج همك ويصلح حالك،
والخطأ اخي من كل الاطراف والاكثر على زوجتك وليست هيي السبب بل للظروف والبيئة التي عاشتها
حسب ما شايفة زوجتك مأثر عليها موقف اهلك
بس حابي اتأكد شغلة هل اهلك للان يراسلوها وما محتوى راسئلهم
وكرمال ما نكون ظالمين مع اي احد
وبينكن طفلة
ومشاكلكن ما سبب بيأدي للطلاق
والطلقة الوحدة بتجر وراها طلقات
والعصمة للرجل لانو ما بتتلاعب فيه الهرمونات

اخي لو زوجتك لوحدها غلطانة بالموضوع منقول انها شخصيتها بتغلط عالجميع

بس في اطراف وممكن عندها الشي اللي بنشوفه بسيط تشوفه كبير

وكتير قالو انو هرموناتها ملخبطة فترة الحمل وهالشي صحيح
ومش معناتها انك تتنازل لا بل انك بتقدر تطنش وانك تحتوي الموضوع وما تكبره وعندك طولة بال والسيطرة على افعالك
من تجربة الاخت روح الطير مع اهل زوجها رح تحس بمشاعر زوجتك اذا لحد الآن عم تتلقى رسائل او اتلقت سابقا رسائل اذت مشاعرها
وعن تجربتي كمان مريت بنفس الشي
وطلبت من زوجي اني اقطع علاقتي باللي اذوني
وانو يبر فيهن لاخر يوم بعمره
ويفصل مشاكلي معهن عن علاقته فيهن ومحبتهن الو

وللصراحة زوجي وقف كلمة حق ما سمح لاحد يغلط بحقي وقالها علنا
وبنفس الوقت قلهن روحي فداكن وانا تحت امركن بس بحياتي مع زوجتي ما احد يتدخل

وحاول كتير يصلح لحد ما اجا اليوم
صدقني بعد الصلحة حسيت براحة مش طبيعية
وصار الكل يداريني بالكلمة الطيبة
بس ما تتصور قبلها مشاعري كيف كانت كلها الم وكلماتهن انحفرت بذاكرتي وكانت تألمني كتير
صعب يسمع اي شخص مننا كلام بيجرحه من شخص تاني وخاصة ان كان مش من صلة رحمه
اخي،الكريم اهلك فوق راسك وروحك فداهن
بس افصل حياتك الزوجية عن اهلك وقت الحاضر

وبذكائك بتقدر تقربهن من بعض وتكون علاقتهن افضل من قبل
المهم الاحترام من الطرفين
وزوجتك بتحبك من كل،رسائلها وكتير عم ترسلك وبحجج مختلفة
بس حاسة صار نقطة الخلاف هني،اهلك وقت الحاضر

اصبر لاجل طفلتك واسمع من زوجتك شو الكلام او الرسائل اللي وصلتلها واثرت فيها

اعطيها فرصة لتنسى ووقت لتتخطى هالشي خاصة انها رافضة وقت الحاضر بس ما رفضت للابد
وما رفضت انك تستقبلهن ببيتك او تقطع علاقتك فيهن ولا بالاطفال
وهالشي بصير مع اي،وحدة حست نفسها اتأذت
ممكن كتير اهلك ما قصدهن ابدا بس الاسلوب بينفهم خطأ
بعتقد شعور اهلك نفس شعور زوجتك
هني مصرين انك اتطلقها
وهيي مصرة تقطع علاقتها فيهن
والخاسر الطفلة بيناتكن

اقل شي الواحد بيصبر تلاتث سنوات في بداية الزواج لانو اكثر تلات سنوات بصير في تصادم ومن بعدها تفاهم


متل ما قالت العزيزة روح الطير حل مشكلتك مع زوجتك وحطوا النقاط .عالحروف اللي بتخص حياتكن
ومن بعدها اخي مشكلة اهلك بتنحل

وبالطريقة اللي بترضي جميع الاطراف
اسأل ان يرزقك السعادة. وراحة البال دنيا وآخرة

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه