رد: هل احرك وضعي الراكد من 5 اشهر؟
اقتباس:
المشاركة الأصلية كتبت بواسطة بنت غاليه
صدمة 
عم زوجي تدخل للاصلاح يقول ولدهم يبي 1500 شهريا عشان يخليني اداوم ومايدخل فيها راتب السواق وماله دخل فيني
ياربي مدري وش اسوي اصيح اهج اقطع شعري
اروح الم ملابسي واغراضي من البيت اصرف
والله دوبني توسطت له في دبلوم شبكات لمدة سنتين مجانا وبمكافئة ثلاث الاف شهريا وقبلوه وحلّفت الادارة حقت المعهد بالله مايقولون له ان لي علاقة بالموضوع
ليش يصلح فيني كذا ليييييش 
المصيبة الثانية انا قايلة لاهلي كلهم ابي ارجع ما ابي طلاق يحسبوني خاقة معه
اوقف هنا مخنوقه واقول حسبي الله ونعم الوكيل ،،،، |
اقتباس:
المشاركة الأصلية كتبت بواسطة بنت غاليه
ايوه
يبي 1500 شهريا عشان يرجعني ويخليني اداوم
ياناس هذا كلام واحد عنده عقل |
غاليه أقسم بالله المشكله هذي كبرت بسبب التدخلات
إنتي ماتضمنين يمكن هذا مو شرطه شرط أبوه أهله
لا تسمعين من أي شخص غير زوجك
والله أنا جربت التدخلات قبل طلاقي كانوا يقولون لي كلام ع لسانه ماقاله بالغوا في كل شي
الآن أنا أعاني لحالي و إللي تدخلوا بينا مادروا عني و لا سألوا هذا من غير الشماته !
إذا تبين ترتاحين أرفضي التدخلات قولي أنا أبي أكلم زوجي بنفسه
قولي لأبوك أنا ماأبي تدخلات أبي أكلم زوجي و أبيك ترفض أي تدخل سواء كان من أبوه أو غيره
أبعديهم كلهم عن حياتك لا تسكتين لا تسمحين للمسخره هذي تكبر أكثر
يقولون كلام على لسانه ماينقال الشيطان شاطر و إنتوا بعاد عن بعض
هذا من غير التدخلات إللي صارت في حياتككم طبيعي توصل لهالحد لأن الكل تدخل في حياتكم
نصيحه الطلاق عمره ماكان حل بالعكس بداية جديدة للمشاكل إللي مالها حل ولا نهايه
إنتي بذكائك بينك وبينه في بيتك تقدرين عليه
المهم أدعي و تصدقي بنية الفرج الله يفرجها عليك و يردكم لبعض ردا جميلا
__________________
اللهم أكفني ما أهمني بما شئت و كيفما شئت إنك على كل شيء قدير