منتدى عالم الأسرة والمجتمع - عرض مشاركة واحدة

28-08-2015, 12:28 AM

#14

مهره

عضو المنتدى الفخري

تاريخ التسجيل: Aug 2003

المشاركات: 17,491

رد: كيف أعدل سلوك أبني😷

اليوم طلعت الصبح .. وأنا برا اتصلت فيني جارتنا تطلب مني أسمح لولدي يطلع معاها هي وولدها لأنهم رايحين المول الظهر .... طبعاً الولدين أصلاً أصدقاء فما مانعت.

اتصلت بولدي وقلت له أم فلان اتصلت على أساس تطلع معاهم .. فقوم الله يرضى عليك تسبح وتوضأ وانتظر صلاة الظهر وعقب توكل على الله.

رجع الظهر .. وطبعاً مع الحر والعرق قلت له روح تسبّح .. استنكر وقال: تراني تسبحت قبل ما أطلع!

عطيته نظرة من إياهم فراح يتسبح على مضض.

في الليل كنا رايحين بيت خال زوجي .. العشا والاجتماع العائلي الأسبوعي عندهم اليوم .. وهناك الأولاد يلعبون كرة في الحوش .. وولد جيرانا كان معانا.

واحنا راجعين البيت ولدي يسألني في السيارة بتوجس

: ماما أنا باتسبح قبل ما أنام؟

قلت له: شو الراي؟ اللي يلعب كرة شو المفروض يسوي؟!!

جان يتكلم مع ولد الجيران وتم يعد له عدد المرات اللي تسبح فيها اليوم .. ما أدري عاد من باب السوالف وإلا شايف إنه عمل شي كبير وعظيم.

الله يصلح عيالنا ويهديهم.

__________________

اللهم طِيبَ الأثر .. وحُسْنَ الرحيل.