رد: زوجتي لاتبدي لي اهتماما ولاتغار ....
البنت عاديه واسلوبها طبيعي
انا بزواجي طلبت منع الاطفال
وقصرنا الدعوات على النساء الكبار
لان كان العدد محدود
عادي كل الناس صارت تعمل كذا
موضوع الجماع برضو طبيعي
انا كنت احس بألم اول كم شهر
ومابديت احس بمتعه الا بعد سنه او اقل شوي
وسمعت هالكلام من كثير متزوجات
ومنأكده زوجتك بعد فتره هي اللي بتطلبك اكثر
حتى الغيره
تصدق بالله سافرت مع زوجي لدوله اجنبيه
في شهر العسل
وكان صيف وكل اللي فيها بملابس البحر
وبنات جمال وبياض وشقار
وانا عااااادي
وقبل فتره قال ايش رايك نرجع للبلد
رفضت بقووووه وقلت نرجع لها بالشتاء
لاني صرت اغار عليه مع العشره
وزاد تمسكي فيه.. شي يجي مع الوقت
مو زي الرجال من اول يوم دمه حامي
ترى المرأه تغار اذا حبت
مو لمجرد انها صارت زوجتك.. عساك فهمتني
موضوع الطبخ برضو بدري عليه
قسما بالله كأنك تتكلم عني
وربي حتى بيض مسلوق ماكنت اعرف اسوي
وزوجي للامانه صبر سنه واكثر شوي
والحين ماشاء الله انا فنانه بالطبخ
صار يتفاخر ويذوق اهله واصحابه من طبخي
وهالشي جاء مع الوقت والممارسه
وكنت دايما اسأل امي وامه عن الوصفات
انت حاول تشجعها باي شي تعمله
لاتعقدها من المطبخ
وطول بالك عليها
بنات هالوقت اغلبهم مالهم بالطبخ والله
لكن مع الوقت يتعلمون
خصوصا اذا حبت زوجها وكان مالي عينها