اقتباس:
المشاركة الأصلية كتبت بواسطة مبتعثة متفائلة
كنافه انا معك بالوظيفه ومعاكي حق تقبلينها
مشكلتك ماتعزفين تسايسين زوجك
وتجيبي راسه بالكلام الحلو
هو مارفض كثر الله خيره
لو واحد ثاني كان قال ولا تعتبي الباب وتتوظفي حتى لو اهلك شارطين عليه ومصروفك يجيك
لكن هو لين
المفروض لما قال عن الضيف قلتي ياهلا ومسهلا
ضيوفك على عيني وراسي
يعني بتصيرين احرص من زوجك بوجود رجال غريب
طول عمرنا نستضيف ناس ورجال غرب
لهم مكانهم ولا نختلط فيهم
بس انتي الله يهداك ماعرفتي تتصرفي
ولو بادرتي بالكلام الزين اصلا ماكان الرجال بيقبل
وتكوني طلعتي بالزينه
خلي دايم لسانك حلو
واقنعي زوجك ان الزمن محد يامنه
لو يصير له شي يكون عندك مبلغ مادي ومصدر دخل ماتتبهذلي انتي وبنتك
|
انا مع مبتعثة،، للاسف كنافة انتي ماتتعاملي مع زوجك بأنوثة وكلام حلو وكيد نساء عشان تاخذي منه اللي تبي،، وترى حتى زوجك حاس بهالشيء عشان كذا قالك انتي عندك هرمونات الذكورة زائدة،،
كان من المفروض تقنعيه بموضوع الوظيفة وانتو جالسين بجو رومانسي بأسلوب دلع أنثوي وبكلام حلو ،،
وبالنسبة لمشكلة ضيف زوجك اللي يبي يستقبله كان من المفروض مافتحتي جبهة جديدة عليك وانتي فاتحة جبهة الوظيفة ،، كان عديتها عشان مايقعد لك زوجك عشان الوظيفة ومايتمشكل معك،،
في شيء زعلني في كلامك عن زوجك لما قلتي يبي يكون هو المسيطر ،، حبيبتي ترى هذي حياة زوجية ماهي حرب يسيطر فيها طرف على آخر وإذا هو بنظرك يسيطر عليك بقوامته فأنتي تقدري تملكيه بأنوثتك ودلعك وكلامك الحلو ،، ولا ياكنافة
