المشاركة الأصلية كتبت بواسطة روح وريحان7

شنو هالظلم الذي قرأته من ردود البعض ؟؟

طنشها
اتركها
لاترد عليها

الله المستعان على مثل هذه النصائح

اخوي آنا مريت بالضبط بنفس ظروف زوجتك

كنت حامل وتعبانه ونفسي هي نفسي لا أعرفها زادت المشاكل بيني وبين زوجي بسبب بعض الأمور الماديه ومصاريف البيبي والولاده

واللي زاد الطين بله رسائل أم زوجي لي

كوني له أمة !!؟؟
لا يرى منك الا مايسره!!

هو جنتك وهو ناااااارك ؟؟

لماذا تحسست منها .. فلنفرض والدتك تقول لزوجك .. خلك بالك على بنتنا .. حطها بعينك .. هل تتوقعي زوجك راح يتضايق منها ..

اختي تراها نفس الفكره بس موضوع الحساسيه المفرطه هو اللي جعلها مشكله بالنسبه لك ..

وأنا كنت تعبانه نفسيا وفي عالم ثاني وأشعر بالاحباط وأن زوجي مو سند لي .

واللي زاد الامر بعد تجريح أمه لي في بعض المواقف وانتقاداتها

مما أوصل السيل الزبا وقَعَدت اتحسب على ظلمها لي امامه. وأنهرت نفسيا بسببها

وبعد ماولدت وارتحت من مصاريف المستشفي والولاده والبيبي

خفت المشاااااكل وانتهت

وأصدقك القول ان علاقتي صارت بأهله أبعد من الرسميه.

وللعلم اخي والله انت لا تعلم ليش قالت زوجتك ان اختك ماتزوجت ؟ وماادري ايش من انتقادات ، يمكن اختك في خلوتها مع زوجتك تقول لها اشياء تضايقها بس هي مانقلت لك ؟؟

لا اعلم ولله الحمد .. زوجتي تملك صفه الغرور بعض الشى ولاتوظفها الا في الشخص اللي ماترتاح له ..

وجاءت ردت فعلها امامك بهذا الشكل

والدليل تدخل اختك بزوجتك وأمامك عادي الامر عندها..

اقري الموضوع مره أخرى .. ماجلست دقايق معدوده وتلح بالذهاب الى بيت خالها وكآنها طفله .. هناك ادآب للمجلس .. بطريقه الاستآذان ، التلميح لي بطرق مختلفه ، جوال ، همس با‍لآذن ..

وللعلم زوجتك كانت تنتظر منك تقدير وحفظ مكانه لها امام اهلك بطريقه جدا راقيه

هل كان المطلوب مني ‍بآن اصارخ في وجه اهلي او اختي .. !!! بالعكس وضع المحايد بتلك اللحظه افضل الحلول ..

وصدقني شخصيتها حلوه وقوتها باجر بتفيدك وتفيد أبناؤك وبتصب هذي القوه كلها لصالحك

القوه حلوه مو الغرور وعدم الاعتراف بالخطاء .. كلها مالها صله بالقوه

شخصية زوجتك وظروفها مشااااابهه جدا لي

ابتعد عن الكلام اللي يقولك اكسر خشمها وأنفتها

خوض الكلام من مثيلات جنسها

آنا زوجي طنشني ست شهور وردينا لبعض الحمدلله لكن ماقدرت ارد علاقتي لأهله بسبب جرح الاهانه وكرامتي اللي اندلقت

غلطانه وراح تنعاد مشاكلك يوم ما .. الا اذا تؤدي الواجب من مناسبات ،زيارات !!!

شعور فضيع لايشعر به الا اللي جربه

ربي يصلح مابينكم ونصيحه لاتكبر الأمور اكثر

ولاتدخل احد بينكم

بالتوفيق