اقتباس:
المشاركة الأصلية كتبت بواسطة رائحة البخور
طيب يا آخي دام البنت شورها بيد امها
كلم الام ، قولها عن تآثير تدخلاتها بينكم
وان لمصلحة بنتها تخلي البنت هي الي تقرر حياتها
لاان استمرار تدخلات الام بعد الزواج معناه فشل الزواج
والبنت قول لها لازم تحطي معي النقاط علي الحروف
حياتنا بهالشكل ماراح تمشي
ومافي رجال بيرضئ بهالوضع
وان كانت حريصه انها تستمر اكيد بتصحي
وخلها كم يوم هي وامها يفكرو زين بكلامك
روح لهم البيت افضل وتكلم بوجود الثنتين عشان يعرفو انگ جاد بكلامك
وان استمر الوضع علي ماهو عليه ( الله يعينك صراحه )
|
والله يااختي الكريمه ، انا كلمت امها وفهمتها ان تدخلاتك بيني وبينها مالها داعي ابد ، انت ممكن توجهين بنتك ، لكن تمنعينها لا!
والبنت فهمتها وعلمتها اكثر من مره ، لكن تعلم من ؟!!!
البنت تحس ان ماعندك احد ، او انها فعلاً ماتبيني !
حتى ارسلت لها مقطع مضحك ، تدخل وتطلع من الواتس اب ولا تشوفه !!
ياناس بالله بالله هذي وحده شاده عليها امها او حالفه عليها !
وش هالام النفسية !!!!
شكلي بخربها معهم واكرش البنت
اقتباس:
المشاركة الأصلية كتبت بواسطة سمو الورد
الحين انت حاولت ومثل يقولون سويت باصلك ومالهم حجة عليك
وتفكير البنات ترا مو مختلف كثير حركاتهم واضحه
البنت احس انك انت اخر اهتماماتها شي مو اساسي عندها
وسنه مو عذر بالعكس سنها دافع قووي انها تميل لك
بس الام بعد لها دخل كبييير بسبب نصايحها الي الله واعلم كيف طريقة سردها
وكانهم يبون يحسسونك انك تحمد ربك ماخذ بنتنا !!!!
انا مو عاارفه انت ليش راضي على نفسك هاالشي يمكن متعلق بالبنت؟؟؟
وانسان طبعك شريف ونيتك سليمة اكيد هالشي ومن غير اتهام لهم
حنا مانعرف اسبابهم الي تخليهم يعاملونك هالمعاملة
بسبب تاخرك بتحديد الزواج هذا مو سبب كافي لتصرف البنت وامها
وفي اصول وفي كلام منطقي باحترام ممكن ينقال + ان البنت اذا تعلقت بك ابد ماراح تحسسك باي شي مو مقبول من ناحيه حبها اذا كانت تميل لك بيكون تصرفاها مختلف تماما وانتظارها لك بشغف وهذي سنتين كفيله انها تخليها تتعلق بك وتهون كل الامور الصعبه بينكم
البنت في خلال هااسنتين ماحبتك وهذا واضح من تصرفاتها
وانت مجرد شي اقل من عادي لها والدليل ماتبدي لك اقل اهتمام
كلامنا هنا ونصايحنا مو حل جذري بس سبحان الله يمكن ربي يسخرلك حل باي شكل واي سبب
حتى حمااسك قل للزواج ممكن
واذا انت مستعد تقدم للزواج وتتنظر وعندك وقت تتحمل كل العواقب
استمر انا بحكم اني بنت واعرف بالبنات
واحساسي يعني مو مرة مختلف لكن تحكمه
التربية او السن او الثقافه والعادات والبيئة
قبل فترة مو طويلة انخطبت لشخص ماتقبلته واستخرت كثييير
عشان انا ماعرف مصلحتي ماحسيت لابميل ولا باي شي ناحيته
وكنت الحقيقة اتهرب من اتصالاته ومارد على رساايله الا نادرا
وكان عندي اسباب قوووية اني ارفضه واستخرت استخارة نهاائية و
وقررت الانفصال وانفصلت والحمدلله
نصيحتي لك اترك كل شي جانبا واستخير استخاااارة صحيحة
واحسم الامر وبعد الاستخارة لابد ان الله يهيئ لك اسباب ترضيك
والله يريح بالك ويلهمك الصواب
|
اشكرك اختي سمو الورد على مشاعرك الجميله
تدرين وش المشكله ، اسمع احيانا وليس كثير ابدا ان البنت تبيني ومدري ايش !!
والله ثم والله ان تصرفاتها تختلف اختلاف جذري عن اللي اسمع !
يعني انا ارسل لها بالواتس اب وتدخل وتطلع اكثر من مره ولا تشوف رسالتي !!
وتشوف ولا تعلق او ترد ، مااحس منها اي معنى للإهتمام والتقدير ، احس ان استغلت حبي وتقديري لها بشكل سيء جداً
وأنا يغيضني جدا اللي يتصرف هذا التصرف !
عشان كذا ممكن اجيب فيهم العيد واحوس الدعوة كلها ،!
الله يكتب اللي فيه الخير ياناس