انا يهمني من الموضوع كله الزوجة الثانية
بحكم اني بيوم كنت زوجة ثانية
بالله وش موقعها من الإعراب إذا أمورك مع زوجتك الأولى زانت؟!
بتقولها يالله مع السلامة وكثر خيرك ماقصرتي عدلتي علاقتي بزوجتي
ولابتخاف الله فيها وبتخليها على ذمتك؟
ولو لقيت فيها عيوب بتصبر عليها وتتحملها وتحاول أصلاحها ولا بتقول الحريم كثير وتشوتها من حياتك؟
الزواج الثاني مو رحلة سياحية مسؤولية زيه زي الزواج الأول
بلاش تلعبون ببنات الناس عشان مصالحكم الشخصية اذا من البداية تفكيرك انك تبي زوجتك تتغير وتهتم فيك اكثر وتحبك وتغار عليك شيل هالفكره من راسك لانه لو صار هالشي يابتحس بالذنب تجاها او بتقول اللي ابيه خلاص صار والثانيه ماعاد لها لزمه

مو اي رجال يصلح له التعدد ولا أي حرمه تقدر تستحمله ولا أي ظرف نقدر نقول ينفع فيه التعدد

اذا عندك قدرة ماديه بحيث أن بيتك الأول مايتغير مستواهم المعيشي والبيت الثاني بنفس المستوى كذلك

اذا عندك القدرة الجنسية واحتمال كل وحدة تنافس الثانية بالحمل يعني بيهدون حيلك

اذا عندك طولة البال والصبر والقدرة على التحمل انك تشوف طلبات هالبيت وهالبيت ورايح من هنا وجاي من هناك ومشكلة بذا البيت وذاك البيت

انا اقولك توكل على الله وأخفض سقف توقعاتك وتوقع الأسوأ

على فكرة انا أأيد التعدد لكن بحالات اذا تبي عيال اكثر او اذا زوجتك ماتقدر تعطيك حقك الشرعي او كنت عايش بمدينة بعيده والاولى رافضه تنقل معاك لمدينتك يعني عايش عزوبي وانت متزوج
اما عشان تجدد حياتك الكلام هاذا مبالغ فيه جدا