المشاركة الأصلية كتبت بواسطة زهرة الياسمين22

أخي الكريم انت ذكرت اكثر من مشكلة بموضوعك
1-عدم تقدير زوجتك لاهلك
ابوك مو ملزوم يكلم عليهم بكل مناسبة ويبارك لهم اذا كلمهم
خير وبركة ما كلمهم مو ملزوم
ولازم زوجتك تفهم هالشيء
وامك بعد مو ملزومة
ام زوجي ما اذكر انها مره كلمت
امي وباركت او تطمنت عليها ومع
ذلك علاقتنا جيدة
2- زوجتك تطلع أسرار بيتكم
هنا لازم تكون حازم وما تسمح لها
بهالشيء وقولها اللي يصير
بالبيت يبقى بالبيت ووضح
لها خطورة هالشيء
وان سيرتكم بتكون على كل لسان
واذا ناقشتك
قول هذا اللي عندي وقوم عنها
خلها تحس انك فعلا زعلان من هالنقطة
3-موضوع الانجاب
لا تلومها يا اخي من حقها يكون
عندها اطفال وممكن لما قالت
لك 7شهور ،لانك انت كنت تماطل
او رافض العلاج
وبهالنقطة استشفيت انك
انت بعد قلت لاهلك عن شي خاص
فيكم
4-موضوع ولادتها
فهمها بالتي هي أحسن
وان امك بتكون واسطة لها
وارفض رفض قاطع ان اهلها
يتحملون تكاليف الولادة
وبما انها موظفة ليش ما تدفع
هي خصوصا ان ظروفك صعبة
والله يهدي بالكم ويصلح بينكم