رد: اخر التطورات
ابتسامة..
بغض النظر عن أسبابه ودوافعه .. زوجج مب حريص على مسألة العدل .. عشان جذي اتصالاتج أو سؤالج يعتبر ـ غالباً من وجهة نظره ـ ملاحقة وحصار ومحاولة لإجباره على سلوك أو تصرف معين.
وواضح إن محاولاتج الكلامية معاه مب يايبة نتيجة.
ما راح أقول لج لا تتصلين .. لأنه مب معقول تقاطعين زوجج وهو بعيد عنج .. لكن لا تسألينه: متى بتجي؟
وإن كنتِ مستعدة نفسياً .. فعبّري له بين فترة وفترة عن حبج وشوقج وولهج بشكل غير مباشر .. وكل كم يوم صوري عيالج في أوضاع مختلفة سمتها الأساسية المرح واللعب والحركات الطفولية المحببة .. وطرشيها له عشان يشارككم لحظاتكم الحلوة.
تمّي جذي فترة وشوفي كيف راح يتصرف.
__________________
اللهم طِيبَ الأثر .. وحُسْنَ الرحيل.