منفردة انا كنت زيك بالضبط والله الرضاعة الطبيعية يبغى لها صبر .. وقفي الصناعي من دحين وغلط انه الحليب الصناعي فيه اشياء تنوجد فيه افضل من الطبيعي العكس تماما الطبيعي تتوفر فيه مميزات ماتلاقيها في الصناعي ومنسوب الحليب يكث. كل ما الطفل رضع .. بكاء الطفل بعد الرضعة مو معناه جيعان احيانا يبغى الدفئ حقك يبغى يحس بالعاطفة لاتخافي انه يتعود ع الشيل ودي الحاجات الطفل يبدأ يتعود بعد عمر الثلاثة شهور ..

انا في الشهر الاول عانيت جدااااا البيبي كان كل ربع ساعة يطلب حليب ماانام احطه بس على الارض بعد ربع ساعة يبكي ولو طول نص ساعة وكنت اعطيه صدري بس كنت خلال الارقعة وعشرين ساعة انام ممكن بس ساعة بالكثير ساعتين وياريتها متواصلة كل الحريم الي قريت عنهم وسألتهم وقالوا لي انهم دخلوا الصناعي مع الطبيعي عيالهم يرفضوا الصدر بعد عمر 3 شهور او اكبر لما يفهموا او حتى اذا شفطي واعطيتي الطفل بالرضاعة احتمال يرفض الصدر لانه حلمة الرضاعة اسهل من الصدر والاطفال كسالى يفضلوا الشي السهل انتي لسه يمديكي تلحقي نفسك فوقفي الصناعي والرضاعة نهائي ومدة الرضاعة كنت اقعد في الرضعة الوحده ساعة ساعة غلا ربع في الايام الاولى تدريجي راح يقل الوقت بعمر الاربعة شهور ممكن الرضعة ماتأخذ خمسة عشرة دقايق لاتشيلي هم هذا الشي .. ولاتحددي مدة بين الرضعات كل مابكيت بنتك اعطيها صدرك فترة وترتاحي صدقيني كنت زيك حتى لو بعد نص ساعة اعطيها انتي المستفيدة حليبك يزيد والنوم سيبي كل الي في يدك ونامي معاها .. شدي حيلك مريت وربي بنفس الي تمرين فيه واحلى قرار اتخذته الرضاعة الطبيعية ومافي اسهل منها دحين بس اصبري ..