كلامك جميل واستفدت منه الله يجزاك خير

انا ما اعرف كيف اتعامل مع الرجال عموما احس بخوف يمكن عشان مجتمعي جاف شوي مدري يمكن
احس بصعوبه اني اتزوج واكون على علاقه مستمره برجل ما ادري ليش اتخيل دايما الرجال صعب التعامل معهم ما افهم تفكيرهم كيف اتعامل مع الرجل اللي باتزوجه
كلامك سليم واعجبني واشكرك عليه استفدت منه وانا نفس رايك احسن يكون عندي بيت وزوج واطفال
لكن انا عندي فكره انه الرجال صعبين والمراه هي اللي تتحمل كل شيء ويمكن حتى لو ضحت بكل شيء مارح تحس بالامان يمكن يطلقها باي لحظه وياخذ العيال يمكن جهلي هو السبب والله ما ادري بس هذي الافكار تولدت عندي من اللي اشوفه دائما اقول لابوي انت تكرهني بالزواج

انا من داخلي اصبحت اعتبر الزواج شر لابد منه ..

ماودي اظل كذا ودي اتفائل واتزوج وانا مبسوطه مثل باقي البنات
بعايلتنا كثير منهم مطلقات واللي صابره عشان اطفالها
حسيت انه الاطفال هم السلسله اللي تربطني بالزوج واتحمله عشان الاطفال ما يتشتتون
عشان كذا صرت اخاف
بس انا ما ابغى استسلم انا جالسه احاول اعدل تفكيري ونصائحكم استفدت منها الله يجزاكم خير