رد: خوفي الشديد من الزواج
سارة
السبب مو تعلقك بأمك... وان قلتي هذا الشيء انتي تخدعين نفسك قبلنا
قد يكون في بداية زواجك انت ما اهتميتي فيه... فهو صار مايهتم ويوم بعد يوم توسعت الفجوة... ومن خوفك ان الزواج يفشل زاد تعلقك بامك
ياسارة ... الواحد مايضمن العمر... بكرى ماتعرفين وش يصير عليك وعلى اهلك... حلو يكون عندك زوج وعيال وهذه سنة الحياة... بعدين من قالك الرجال سيئين ومامعهم امان... بالعكس الامان كله مع الزوج واللي تقول غير كذا تكذب عليك ... بعدين طالما الرجل جاء لبابك هذا يدل انه شاريك وناوي يسعدك... والباقي بيكون عليك ...... ياسارة انتي تعديتي مرة المراهقة... الان لك قدرة تامة على نفسك،، وبنفسك تقدرين تصنعين سارة الجديدة... واذا كان الان فيه شخص يطلب يدك بكرى ماتضمنين ممكن يكون مافيه... انا اقول هذا الكلام وانصحك مثل اختي والله...
رجاء فكري بكلامي... واتركي عنك هذه الافكار... حاولي مرة مرتين وثلاث... اذا مساعدتي نفسك ماراح احد يساعدك ...
الله يسهل امرك