رد: زواج المسيار هل هو زواج ناجح
أعرف وحدة متزوجة مسيار .. جارة أختي .. مستأجر لها زوجها المسياري دور في فيلا .. عندهم ولد وواضح عليها نعمة الله .. الظاهر إنها مبسوطة مع بعلها والله أعلم بما تخفيه الصدور . أنا حبيت المسيار منها بصراحة وقلت لها في وجهها هالكلام لأني أشوفها متزوجة وبنفس الوقت عزابية لا مسؤوليات زوج يومية ولا إلتزامات وقتها كله لنفسها ولولدها وتجي وتروح على كيفها .. متنازلة عن حقها في المبيت فقط . لأنه زوجها قايم ببقية الحقوق من توفير سكن و نفقة وغيره .
للأمانة هي محترمة وجميلة جدا ومتعلمة وخلوقة ولسانها يقطر عسل ولما أخذت زوجها لسه ماخلصت العشرينات .. سبب زواجها بالمسيار عندها مشكلة في القلب الحمل متعب لها مع إنها بشكل عام تمارس حياتها طبيعي، بس الحمل يعمل جهد كبيير على قلبها وما تتحمله وبرضوا العلاقة الخاصة، ف كان هذا الزواج الأنسب لحالتها ..
ف مثل ماهذا الزواج بعض الناس ماخذينه لعبة في ناس ثانيين بالنسبة لهم تفريج كربة .
وصراحة بعض الردود الله يهدي أصحابها مو كل الناس تساوت ظروفهم ~ وديننا دين يسر وسعة .. ماتقدري تحرمي على أحد شيء حلال عشان ما وافق هواك ..
وكل واحد يحمد الله ع النعمة .. ترى النعمة زوالة، اللي متزوجة زواج كامل ومستقرة في حياتها لا تتشمت باللي حدها الزمن ع نصف حياة .. ووقت مستقطع . ماتدرين ترى الدنيا دوراة والأيام دول وهاذي سنة الله في الأرض ( وتلك الأيام نداولها بين الناس ) ..
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔
التعديل الأخير تم بواسطة فرح تايه ~ ; 09-07-2015 الساعة 06:02 AM