عزيزتي حلم انا متابعة مواضيعك من زمان
ووصلت معك مرحلة انك يأستي وحتى قللتي من شروطك او هيك شي
وكلنا شجعناكي انو رزقك رح يجيكي وعليكي بس التوكل على الله.
والزواج او عدم الزواج مش نهاية الحياة
بس لازم نعرف شو بدنا

مثلا اجا هالخاطب بصلي بالمسجد ومرتبه مقبول ومعو متوسطة وفرق بينك وبينه خمس سنوات او اكثر
هيدول كلهن ما بخلوكي تفكري بالرفض اذا بتقرأي مواضيعك السابقة وكثرة التشكي وظلم نفسك حول هذا الموضوع
من حقك ترفضي او تقبلي
بس مش كل مرة بتجي الفرص وممكن ربنا بيختبرنا هل دايما عنا طمع وما بنرضا بالقليل

انتي اللي عليكي انو اخوانك يسألوا عنو بدل المرة مرتين وعشرة كمان
والخطوة التانية انك تجلسي معو بالنظرة الشرعية وتاخدي وتعطي معو
ان عجبك اخلاقه والناس بتمدح فيه وانتي ارتحتيله واستخرتي الله كان به
وان ما حسيتي انك مرتاحتله من حقك ترفضي وبرجع بكرر انو عدم الزواج مش نهاية العالم

بس انو يا حلم تقولي مش مقتنعة على الاسباب اللي ذكرتيها
ومواضيعك السابقة عم تعتبري نفسك انو رح يفوتك القطار ونفسك بولد ونفسك تلبسي الفستان الابيض وانو ما عندك وظيفة ولا حتى مدحتي نفسك بالعكس ظلمتيها يا حلم وكتير بمواضيعك السابقة

سامحيني حبيبتي انا لانو بحبك في الله ما بدي ترجعي لكلامك السابق
وكمان بذكر مرة كتبتي موضوع عن ندمك بعد رفض الخاطب
وانا نصحتك انو اعطي فرصة لنفسك واجلسي مرة واتنين وتلاتة وبعدين خدي القرار
وشو ما كان ما رح تندمي على اي قرار اتخذتيه
الحياة حياتك انتي يا حلم وانتي وحدك اللي رح تعيشيها
فبتمنى انك تطلبي من اخوانك انهم يسألوا كتير عنو وبعدها خدي القرار بالرفض او القبول وانتي مرتاحة ومن دون الرجوع للخلف
وسامحيني حبيبتي ان كان ردي مش لطيف بس لانو متابعة كل مواضيعك حكيت هيك
اسأل الله ان يرزقك الرجل الصالح والذرية الصالحة و السعادة من حيث لا تحتسبين
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه