المشاركة الأصلية كتبت بواسطة mimomea

بالنهاية كل انسان عنده مواصفات معينة بتجذبه بالشريك اللي بدو يرتبط فيه
مثلا اللي بحب السمر مش معناتها انو بشوف البيض مش حلوين وبالعكس
اوقات بنكون من نفس البيت وكل شخص بحب مواصفات بتختلف عن التاني
بس هيدا مش معناته نقلل من اي شخص او نلغيه لمجرد لونه
لانه بالنهاية كلها خلقة الله مش بشطارة الانسان
وخال ماما اشقر وعيونه زرق واتزوج زوجته من افريقيا وماشاءالله على اولاده قمة الجاذبية اجا لونهن اسمر فاتح كتير ملفت للنظر وحلو
وانا خالتي هيي الوحيدة اللي سمرا بين خالاتي وزوجها اسمر كل اولادها بيض وفي اللي عيونو خضر وفي الازرق طلعوا الاطفال لاهل جدتي
وعلى فكرة عندنا بفضلوا السمر بس هالشي ما بيعني انو ينرفض الابيض بس كرمال لونه
اصلا ما موجوده هالفكرة بالاصل انو يصير في قبول للشخص لمجرد لونه
كلنا بني آدم وما حدا افضل من حدا الا بالتقوى

احترامي