يسعدلي مساكن يا ملكات المنتدى

اليوم متل ما وعدتكن رح قدملكن وصفة حلاوة الجبن


واللي بزور لبنان لازم يقصد طرابلس ويدوق حلاوة الجبن من عندهن
وهيدا الصنف موجود كل السنة بس بشهر رمضان يعتبر من الحلويات المرغوبة من الجميع
طريقته سهلة والمكونات قليلة وما بدها وقت كتير

المقادير





نصف كيلو جبنة عكاوي (انا استعملت موزاريلا لانو ما عندنا عكاوي)
كوب طحين فرخة او (نصف كوب اختياري )انا استعملت كوب
كوب قطر او (نصف كوب اختياري) استعملت كوب
قشطة عربية طازجة
فستق حلبي وزهر الورد للتزيين

ملاحظة :ما كتبت ماء الورد وماء الزهر لانو ضفتهن بالقطر

اول شي بنقطع الجبنة العكاوي شرائح وبننقعها في الماء
وبنغير الماء بين فترة وفترة ليروح الملح من الجبنة
في حال استعملنا الموزاريلا ما بننقعها بالماء بل بنستعملها دغري

بنوضع الجبنة في مقلاة او طنجرة تيفال غير قابلة للصق



بس تدوب الجبنة بنحط القطر
ومن بعدها طحين الفرخة على دفعات



وبنحركها بسرعة لمدة دقيقتين او ثلاث ليصير عنا عجينة متماسكة


بنكون محضرين سلفا القطر وبعدو سخن

بنحط قطر على سطح رخامي او اي مكان نظيف لرق العجينة وبنرقها بالشوبك لنحصل على هيدا الشكل



بنقطعها وبنحط عليها القشطة وبنلفها رول


وبنزينها بالفستق الحلبي وزهر الورد

هيدي الصورة من الارشيف لانو مزينتها بالفستق الحلبي


وبنقدمها مع القطر

طريقة القطر والقشطة بموضوعي هون عالرابط

http://www.66n.com/forums/showthread.php?t=260974
وفي بعض الاشخاص بياكلوها من دون قطر لانو سبق ورقيناها بالقطر

وان شاءالله يكون الشرح واضح

رمضان كريم

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه