المشاركة الأصلية كتبت بواسطة رزانُ أطلّت

السلام عليكم ورحمة الله وبركاته
أختي ملكة كنت أفكر فيك الفترة الماضية وابغى ارسلك رسالة خاصة عن طريق الادارة
واليوم دخلت ولقيت مشكلتك .... الله يفرج همك ويبدل حالك لأحسن حال

اختي ملكة انا متابعه لمواضيعك من سنة من وقت ما زرتي أهل زوجك في ديرتهم

وبحكم ان بعض ملامح شخصية زوجي تشابه شخصية زوجك ابعطيك حل

كلامي ما راح يكون عن مشكلتك هذي لاني ارى انها باذن الله اهون من سابقاتها ... كلامي راح يكون مجمل عن مسألة زواجك لاني بعد موضوعك في قسم ساعدني تمنيت ان ارد عليك لكن القسم ما يسمح ..


اتوقع ان ماتاخذين كلامي بمحمل الجد او يكون متعب لك ... لكن فكري فيه

كل ماتعانين منه من زوجك هو افرازات لاضطراب عنده في الشخصية منذ النشأة الأولى ومو مستغرب هذا الامر لأن حسب ما وضحّتي انتي انه نشأ يتيم والدين وامه ع قيد الحياة وهي اصلاً الان وهي راشده تفكيرها كما سبق وانك أشرتي- ولا اقول الكلام استنقاص وغيبه بحقها ولكن توضيح لحالها هداها الله واصلحها- يعني ما كانت ام مصلحة له !
الخلل الذي يعانيه زوجك لا يشعر به ولكن انتي تعاني من افرازاته كعشق النساء ومحاداثات التويتر و المزاج المتقلب و الحديه في الغضب و العصبيه ع اتفه الامور و و و
هذي كلها اذا حاولتي تصلحيها راح تتعبي والنتايج راح تكون ضئيلة ونسبة رجوعه لماضيه كبيرة وانا عانيت مع زوجي في سلوكيات اخرى ولم انتبه للنقطة هذه الا متأخر
نصيحة لك من اخت في الله مشت بنفس الطريق تقول لك ارجعي من ذه الطريق واسلكي الطريق الصح

قرأت لك في رد ان ابوك قد ساعدك بمقابلة الدكتور طارق الحبيب بارك الله فيه وفي والدك ولدلك انا اقول ان استطعتي ان تتابعي لزوجك لدى دكتور نفسي سلوكي مختص وماهر واقنعتيه بالعلاج السلوكي ويبدأ معاه من الصفر صدقيني راح ترتاحي ولكن بعد صبر ..

اما دورانك حول افرازات المرض وترك المرض ينتقل من عضو لعضو يفتك له ... صدقيني مضيعه لوقتك واستنزاف لطاقاتك واعصابك ونفسيتك .. وانا اختك الان اتعالج نفسياً بسببب اني ما تحملت زوجي والان خايفه ع اولادي من الشتات ورغم هذا كله رافض للعلاج وما وصلت لهذه النتيجة الا لأني كنت اظن اني بمقدوري اساعده انو يتخلص من عصبيته و من انحرافات سلوكياته بعد طلاق والديه وكنت اساعده واتحمله و ارضى بتغيّره الايجابي المؤقت وكان تفكير ساذج وغبي مني اسأل الله ما يحرمني اجر صبر السنين والحمدلله على كل حال وقدّر الله وما شاء فعل...

اذكر كلمة ابوك لما قال وبعدين معاكم ترا انا تعبت منكم ... وانت عند طلاق وباذن الله ما توصلين لثاني و ربي يهديك لأحسن الطرق لاصلاح الحال ..

لأن واضح حياتك من ارل يوم تعب بتعب والخلل واضح ومصدره زوجك ...

الله يوفقك يارب