المشاركة الأصلية كتبت بواسطة خاله بيتا

مبارك أخ تلميذ الحياة

الان وصلت لأهم مرحلة ... المرحلة اللي مفروض فيها تفحص البنت وتتأكد تماما منها
1. انها تتقبل ولدك بأريحية وتكون من نوع البنات الحنونه واللي تحب الأطفال كثير .
2. ما تكون ميولها ماديه .
3. تكون أولويات حياتها مناسبه لك ومتفق معها عليها .


وحط ببالك أن اذا الأهل طيبين فهذا لا يعني ان البنت تكون مثلهم ولا يعني أنها تقدر تتقبل أمور مطلوب منها هي مو أهلها تقبلها .

حاول تفهم المستوى الاجتماعي والمادي اللي تعيشه ببيت أهلها ... في عائلات تكون مرتاحه مادية ومع ذلك مضيقة على عيالها وتطلع البنت مفجوعه على الدنيا .. وفي ناس تكون حالتها المادية عادية ومع ذلك مشبعين عيالهم وعينهم مليانه .
وهذا يظهر بتصرفات الشخص وبأراؤه ونظرته للأمور . ودائما أنصح المقبلين عالزواج بالتوافق الفكري كشحصية وقناعات عن الزواج والمادي والاجتماعي والديني والهوايات بعض الشيء

تريث وخذ وقتك ولا تسمح لأحد يستعجلك بتتمة الزواج قبل ما تكون مرتاح ومتأكد ... وأنا أعرف بأنك ما راح تتردد تنهي الموضوع لو حسيت بأنه غلط .. لا تجامل لا صديق ولا قريب بموضوع الزواج بالذات .

مع اللي نصحك بتواجد أهلك وأمك بالذات معك من خلال مشاورتها ومناقشتها بما تراه في البنت وفي أهلها من خلال الاختلاط بالبنت وبأهلها بقوة حتى تتبين لكم حقيقة العيله والبنت تماما .

والاستخارة أنصحك فيها كاخر نقطة عشان تتذكرها وما تروح من بالك بوسط الكلام .

دعواتي لك بالتوفيق وراحة البال .