رد: شكوكي بزوجتي وسلوكها ورفضها التبرير
الله يهديك ويشفيك ويظهر لك الحق
وصلت بينكم انك تركب تسجيل بجوالها وتبيها بعد تناقشك في تسجيلات تجسس عليها
والله بقول لك صراحة الرجال اذا شك كشف كل شئ بلحظة دون مايحتاج تسجيل ولاخرابيط
دون مايهدم بيته ويشتت اسرته ويجلس سنتين محتفظ بتسجيلات فيها اصوات تلفزيون وباب ينفتح وصفق
انا خوفي انك كتبت بداية موضوعك انك عاف نفسك عن الحرام بس تبعد الاعضاء عن تفكير انك وسوست وتحسب كل الحريم مثل بعض وانت كنت على علاقات بنساء
شكك مو معقول صراحة كأنه شك شخص موسوس بهالامور وانها تحصل بكثرة من كثر ماهو على قولة المثل مأطع السمكة وديلها
وترا فيه حريم على نياتهم مايفهمون واحتمال زوجتك منهن بس انت تفسر كل حركة انها تهدف لاغراء الشباب
وبعدين يابن الحلال اللي تسوي هالامور يبان عليها مع المراقبة وتفتيش الجوال يظهر كل شئ
الله يهديك والظلم ظلمات واي بنت ماترضى ان زوجها يشك فيها تدري ان بعض الرجال يذبحون نسايبهم لو شككوا بشرف اختهم
استغرب صراحة من تعاطيك مع الموضوع باسلوب التجسس مع انك رجل الموقف وتقدر تكشف الموضوع باسلوبك ليه هاللف والدوران
بس تبي تثبت شئ براسك وخلاص والله يعينك تذكرني بواحد اعرفه الله يستر عليه