مو اكبر منج بوايد بيني وبينج 4 سنوات
وهم كنت مثلج على طول احلم بهاليوم ..

بس الحياة بعدين مو نفس الحلم الوردي اللي عشتيه وعشناه اتصور كلنا
الحياة فيها منغصات وبتمرون مع بعض بمطبات ، وبتتصادمون بإختلاف شخصياتكم او البيئة اللي يعيشها كل واحد منكم ، أو الخلفية الثقافية أو مستوى التعليم وحتى المستوى الاجتماعي ..

الشاطر اللي يعدي هالأزمات ويوقف شامخ ، وفعلاً الشيء اللي ما كنت اتصوره إن الحياة الزوجية كفاح وتنازلات ويبيلها صبر وحكمة
نكافح انفسنا واحيانا رغباتنا عشان تمشي الحياة ونكفاح الشيطان اللي فعلاً فعلاً فعلاً يبذل جهد كبير عشان يزرع الفتنة بين المرأة و زوجها لتفريقهما

الحياة الزوجية فيها المرارة أحياناً وفيها اللذة والفرح أحيان أخرى .... اهم شيء تختارين الشخص اللي يعرف ربه ومتدين لان اللي ما يخاف الله ينخاف منه

وفي النهاية ترى الحياة حلوة فيه شخص تستندين عليه ، يشاركج الحياة ، يكبر معاج ، يشاركج احلامج

بس ترى مو كل الرجال جذي


الله يرزقج الزوج الصالح حياتي